U kapën me drogë, ja kush janë dy shqiptarët e arrestuar në Kroaci

Fotot e dy shqiptarëve të arrestuar në Kroaci me drogë janë bërë publike nga mediat kroate. Sipas Jutarnji dje më datë 10 janar rreth orës 11:30 është afruar në kufi një mjet me marka kombëtare shqiptare, i drejtuar nga një 30-vjeçar, ndërsa pasagjeri ishte një 44-vjeçar, të dy shqiptarë.

Kjo është kapja e dytë e madhe e drogës në Karasovići në një muaj. Më 14 dhjetor të vitit të kaluar, efektivët e policisë së bashku me doganierët gjetën 5.4 kg heroinë dhe 5.6 kg kokainë në një autobus me marka shqiptare, destinacioni i të cilit ishte edhe tregu i Evropës Perëndimore.