Vdekja e Lear Kurtit/ Lala: Ka boshllëqe, policia nuk ka pasur kamera

Analisti Artur Zheji dhe gazetarja Klodiana Lala, po diskutojnë në studion e “Pikat mbi i” në lidhje me vdekjen e Lear Kurtit, i riu që humbi jetën ndërsa ishte i shoqëruar në Komisariatin numër 3 të kryeqytetit.

Laka ka treguar se në kohën e shoqërimit patrullat policore nuk kanë pasur kamera trupi çka do të ndihmonte në zbardhjen e të vërtetës.

Lala: Nuk dua të hyj në politikë, konstatoj se ka disa boshllëqe. Kurti është ndaluar nga një patrullë por një patrullë e dytë e ka shoqëruar në komisariat. Këtë duhet të shpjegojë Prokuroria.

Patrullat nuk kanë pasur kamera trupi. Disa miq më thanë, edhe pse iu shmangën kamerave, ka thirrur 30-40 minuta duke kërkuar jashtë komisariatit të shoqërohej Leari në Komisariat.

Kur Leari futet në komisariat është në pamundësi për të ecur.

Nëna mohon të ketë pasur sëmundje shëndetësore. Familja dhe miqtë e tij e mohojnë sëmundjen. nëna e kishte shumë shqetësim e këmbënguli që djali i saj nuk ka pasur asnjë sëmundje.

AMP sa herë janë të përfshirë uniformat blu japin disa deklarata të shpejta që nuk na mbushin me besim. Si në rastin e Klodian Rashës që ende mbeti jetim faji kush e la pistoletën atje. në të tre ngjarjet Ardi Veriu ka qenë në krye të institucioneve policore. Në rastin e Pjerin Xhuvanit, Klodian Rashës dhe Lear Kurtit. Sot Prokuroria tha kemi nisur hetim për veprime arbitrare dhe mos dhënie ndihme, ndryshe nga sa deklaroi AMP më parë.

Zheji: Duhen ndarë disa gjëra. Kishte përkatësi politike Lear Kurti? Mund të kishte trajtim çnjerëzor për shkak të bindjeve politike? A kishte precedentë penale? Mund të jetë person që mund të ketë pasur llogari të hapura dhe persona duke shfrytëzuar uniformën mund të kenë shfrytëzuar postin për të marrë hak. A është e besueshme Prokuroria? Palët duhet të kuptojnë më mirë të thuash një të vërtetë të hidhur se sa të fshehësh.

Lala: Nuk mund të njolloset e gjithë policia

Zheji: Veliu, kemi të bëjmë me një person që mendon se është shumë më inteligjent se opinioni publik që e mendon budalla.