Connect with us

Pinknews

Vdekja e Liam Payne, Zayn Malik pezullon koncertin e tij

Këngëtari Zayn Malik lajmëroi fansat se do të pezullojë turneun e tij “Stairway to the Sky” pasi shoku i tij dhe ish-anëtari i bandës One Direction, Liam Payne vdiq në fillim të kësaj jave.

Payne, ndërroi jetë tragjikisht në moshën 31-vjeçare pasi ra nga ballkoni i dhomës së hotelit në katin e tretë në Buenos Aires, Argjentinë, teksa ishte nën efektin e substancave narkotike. Vdekja e tij tronditi fansat kudo në botë, pasi përveç karrierës së tij “solo” si këngëtar ai ishte dhe pjesë e grupit më të njohur të të gjithë kohërave, One Direction.

“Duke pasur parasysh humbjen e madhe që më ndodhi këtë javë, kam marrë vendimin për të shtyrë turneun tim në SHBA “STAIRWAY TO THE SKY”. Datat e SHBA – në San Francisko, Las Vegas, Los Anxhelos, Uashington, DC dhe Nju Jork – do të riplanifikohen për janar. Ju dua të gjithëve dhe ju falënderoj për mirëkuptimin”, tha Malik.

Vdekja e Liam Payne, Zayn Malik pezullon koncertin e tij

Këngëtari ka preferuar që të jetojë në privatësi dhe të mos ndajë shumë lajme rreth jetës së tij personale, pas largimit nga grupi më i madh muzikor. Malik vendosi të vazhdojë karrierën e tij si “soloist” në vitin 2015, ndërsa 1D u shpërbë në vitin 2016, duke thënë se ata do të ribashkohen sërish një ditë në të ardhmen.

Malik i kushtoi një postim Payne të enjten, duke shkruar se ai për të ishte si një vëlla dhe një person që ai gjithmonë mund të mbështetej si në skenë po ashtu në jetën personale.

Në vitet e para të One Direction, Payne ishte një nga personat që kishte më shumë tekste në këngë për shkak të zërit të tij që është quajtur dhe si “më i veçanti”.

Hetuesit në Argjentinë tani po punojnë për të zbardhur dinamikën e orëve të fundit, kur Payne ishte ende gjallë, pasi dyshohet se ai është vetëvrarë

Advertisement