Veprimet e dyshimta i nxorrën zbuluar, arrestohet 24-vjeçari shqiptar me drogë në…

Autoritetet italiane kanë vënë në pranga dy shqiptarë. Arrestimi i shqiptarëve ka ardhur pasi i kapën duke shpërndarë lëndë narkotike. Më tej bëhet me dije se dy të arrestuarit tentuan të arratisen. Operacioni u zhvillua gjatë një kontrolli me qëllim luftimin e trafikut të drogës, të kryer nga Njësia Operacionale e Spoleto.

Oficerët vunë re 24-vjeçarin shqiptar që kishte një qëndrim të dyshimtë në një makinë të ndaluar në një parking, së bashku me një pasagjer, një 19-vjeçar, gjithashtu me origjinë shqiptare. Me të parë karabinierët, shoferi u përpoq t’i shmangej kontrollit duke u larguar me shpejtësi. Megjithatë, makina mbeti e bllokuar në një rrugë të ngushtë, duke lejuar oficerët të ndërhynin.

Nga kontrolli personal dhe i automjetit u bë e mundur gjetja e afërsisht 5 gramë kokainë, e ndarë në 9 doza, në posedim të drejtuesit të mjetit. Të dy subjektet, tashmë të njohur për policinë për precedentë penalë të ndryshëm, u izoluan, shkruan media italiane. Pas verifikimeve, 24-vjeçari u prangos dhe shoku i tij u la për hetim në gjendje të lirë. Gjyqtari miratoi masën e sigurimit me burg për të, pasi cilësohet me rrezikshmëri në fushën e narkotikëve dhe përsëritës.