Dorëzohet krahu i djathtë i “Eskos”

GREQI- Pak minuta më parë, është vetëdorëzuar në polici krahu i djathtë i kreut të bandëcs “Eskos”, shqiptarit Esmin Ferhati të ndaluar një muaj më parë.

Sipas Protothemës, shqiptari me pseudonimin “Atzou”, i cili jetonte në arrati pas aksionit ndaj organizatës kriminale që komandonte kampusin e universitetit, me nxitjen e avokates Stamatias Markou vendosi të vihej në dispozicion të autoriteteve greke duke u vetëdorëzuar.

Kështu pak pas orës 10:00 i shoqëruar nga avokatja Markou, ai ka kaluar pragun e GADA-s dhe është dorëzuar. Sipas informacioneve, ai do t’i bashkohet hetimeve të nëndrejtorisë së sigurisë së Athinës.

Banda e konvikteve u shkatërrua në muajin tetor ku aksioni nisi që në orët e para të mëngjesit me synim arrestimin e anëtarëve të bandës, por shqiptari ‘Esko’ kundërshtoi efektivët dhe njërën prej tyre tentoi ta plagoste me kaçavidë. Policja iu kundërpërgjigj duke e qëlluar me armë zjarri në këmbë. Shqiptari u dërgua në spital, ndërsa mbi 30 të tjerë u vunë në pranga. Mes tyre ishte edhe nja vajzë police, që kishte dëshmuar edhe përdhunime të shumë grave të cilave iu futeshin në shtëpi, nga anëtarët e bandës.

Tre banda u çmontuan përfundimisht pas operacionit të ELAS-it në rezidencat e studentëve në Kampusin Politeknik Zografou mëngjesin e së martës. Siç është bërë e ditur, janë arrestuar gjithsej 34 anëtarë të këtyre bandave, mes të cilëve edhe drejtuesit e tyre. Sipas ELAS, këto banda kanë kryer gjithsej 29 grabitje me pikënisje konviktet e studentëve në Universitetin Politeknik Zografou. Konkretisht, banda e parë përbëhej nga 9 anëtarë dhe ishte përfshirë në 80 raste të trafikut të drogës. Banda e dytë listonte 24 anëtarë dhe kishte kryer 27 grabitje ndërsa banda e tretë kishte 18 anëtarë, ndërsa policia ende kërkon pesë persona të paidentifikuar. Siç u konstatua, nga rastet e trafikut të drogës, 28 kanë ndodhur brenda ambienteve të universitetit.