Vetëvritet me kallashnikov 65-vjeçari në Pogradec

Një 65 vjeçar nga fshati Vërdovë i Pogradecit është gjetur i pajetë në ambientet e banesës së tij.

Nga informacionet paraprake dyshohet se 65-vjeçari është vetëvrarë me një armë zjarri kallashnikov.

Burime bëjnë me dije se viktima është Nevrus Afezi 65 vjeç.

Kanë qenë familjarët ata të cilët pasi kanë dëgjuar krismat e armës kanë shkuar drejt dhomës ku ndodhej 65-vjeçari, ku e kanë gjetur pa shenja jete kryefamiljarin e tyre.

Ne këto kushte kanë lajmëruar policinë e komisariatit të Pogradecit e cila ndodhet në vendngjarje dhe po heton rrethanat e ngjarjes.

Pogradec/Informacion paraprak

Më datë 10.02.2024, rreth orës 17:35, në fshatin Vërdovë, Pogradec, në bodrumin e banesës dyshohet se është vetëvrarë me armë zjarri tip automatik, shtetasi N. A., rreth 65 vjeç.

Në cilësinë e provës materiale është sekuestruar arma e zjarrit.

Grupi hetimor po punon për sqarimin e rrethanave të rastit.