VIDEO/ Tetë goditje me thikë të riut, dalin pamjet e sherrit në Qytet Studenti

Pamjet e rënda të një sherri në zonën e Qytetit Studenti, ndodhur më 21 nëntor, janë publikuar, ku duket qartë se si autori, në mënyrë të pamëshirshme kërkon të godasë një tjetër student me thikë, duke e qëlluar në bark dhe plagosur.

Bëhet fjalë për sherrin mes të dëmtuarit Aron Demiraj, 20 vjeç dhe Ajdin Ajvazit, 19 vjeç, ku ky i fundit ka plagosur 8 herë me thikë, duke e qëlluar Demirajn pa u ndalur.

Kjo, edhe pse e ka plagosur rëndë studentin tjetër, edhe në kushtet kur ai ka ndaluar duke mbajtur barkun me dorë, në vendin ku kishte plagë.

Ndërkohë që Demiraj kryente këtë akt, atij i duhej edhe të vetëmbrohej nga goditjet pa pushim të Ajvazit, i cili nuk ndalon pavarësisht gjithçkaje.

I riu mori plagë në krahë, gjoks dhe këmbë. Aktualisht ai ndodhet në spital nën kujdesin e bluzave të bardha. Ndërsa policia ka arrestuar autorin e plagosjes.

Pamjet janë të rënda dhe nuk këshillohet të shihen për personat nën 18 vjeç.