Vidhnin biçikleta elektrike dhe monopatina, arrestohen dy të rinj në Tiranë

Dy të rinj janë arrestuar në kryeqytet, pasi në bashkëpunim me njëri tjetrin vidhnin biçikleta dhe monopatina.

Policia thotë se ka sekuestruar një biçikletë elektrike dhe 4 monopatina, të dyshuara të vjedhura, dhe sasia e lëndës narkotike kanabis.

Bashkë me ta është proceduar penalisht edhe një 19-vjeçar, i cili shoqëronte njërin prej autorëve të dyshuar të vjedhjeve, gjatë ndërhyrjes nga shërbimet e Policisë. Gjatë kontrollit fizik, iu gjet një sasi lënde e dyshuar narkotike kanabis.