Vjedhje dhe dhunë ndaj policit, 10 të arrestuar

10 persona janë arrestuar ditën e sotme në Tiranë. Mësohet se 2 persona janë arrestuar për vjedhje ndërsa një tjetër pasi ka kërcënuar motrën dhe bashkëshortin e saj. Po ashtu një person tjetër ka rënë në pranga, pasi ka goditur një punonjës policie. 5 persona të tjerë janë arrestuar, pasi janë kapur duke drejtuar mjetet në gjendje të dehur dhe nën efeëktin e lëndëve narkotike.

Njoftimi i Policisë:

Tiranë/Vihen në pranga 10 shtetas, për vepra të ndryshme penale. Specialistët për Hetimin e Krimeve të Komisariatit të Policisë Nr. 1 arrestuan shtetasin A. H., 48 vjeç, banues në Tiranë, pasi ka vjedhur disa arka plastike në një market. Specialistët për Hetimin e Krimeve të Komisariatit të Policisë Nr. 2 arrestuan shtetasin D. B., 45 vjeç, banues në Tiranë, pasi ka kërcënuar motrën dhe kunatin e tij. Specialistët për Hetimin e Krimeve të Komisariatit të Policisë Nr. 3 arrestuan shtetasin D. P., 36 vjeç, banues në Tiranë, pasi ka ushtruar dhunë ndaj babait të tij. Specialistët për Hetimin e Krimeve të Komisariatit të Policisë Nr. 4 arrestuan shtetasin E. A., 30 vjeç, banues në Tiranë, pasi ka vjedhur një çantë me sende personale në dyqanin e shtetasit N. Ll.

Specialistët për Hetimin e Krimeve të Komisariatit të Policisë Nr. 6 arrestuan shtetasin F. S., 22 vjeç, dhe proceduan penalisht në gjendje të lirë shtetasin Xh. S., 26 vjeç, të dy banues në Tiranë, pasi kanë kundërshtuar një punonjës Policie gjatë shoqërimit, ndërsa shtetasi F. S., e ka goditur atë. Specialistët e Qarkullimit Rrugor arrestuan shtetasit: – P. L., 50 vjeç, banues në Bubq, E. V., 42 vjeç, O. H., 41 vjeç, të dy banues në Tiranë, dhe M. M., 24 vjeç, banues në Paskuqan, pasi u kapën duke drejtuar automjetet nën efektin e alkoolit; – E. D., 27 vjeç, banues në Laç, pasi u kap duke drejtuar automjetin, nën efektin e lëndëve narkotike.