Vjosa në ofensivë, izolon Albinin/Kurti shtyhet para nga inati me SHBA

Politologu serb nga veriu i Kosovës, Ognjen Gogiç vlerësoi se kriza në marrëdhëniet president-kryeministër në Kosovë është rezultat i inatit të Albin Kurtit ndaj Perëndimit, gjë të cilin Vjosa Osmani e përdor me mjeshtëri përmes “ofensives diplomatike”.

Në një intervistë për Kosovën online, Gogiç theksoi se aktiviteti i shtuar diplomatik i presidentes Osmani është “simptomë” që tregon se ka krizë në marrëdhëniet me Albin Kurtin, por edhe kujtoi se e gjitha kjo është rezultat i faktit që kryeministri i Kosovës nuk ka gëzuar besimin e Perëndimit edhe kur ishte në opozitë dhe pas ardhjes në pushtet pasi ka menduar gjithmonë se ai nuk ka nevojë për askënd dhe donte ta ndryshonte perceptimin e të tjerëve për veten, por vetëm e përkeqësoi atë.

“A i mbaroi inati për Perëndimin, në radhë të parë për amerikanët. Nuk mund të thuhet pasi kur Joe Biden erdhi në Shtëpinë e Bardhë, ishte e pritshme që marrëdhëniet mes Kurtit dhe tij do të ishin më të mira sesa midis Kurtit dhe Trump. Megjithatë, kjo nuk ndodhi. Kurti mbeti ende dikush që amerikanët nuk e respektonin dhe tek i cili nuk kishin shumë besim, gjë që Osmani nga ana e saj mundi ta përdorte dhe ta paraqiste veten si një bashkëbiseduese më e mirë. Tani kemi një intolerancë të ndërsjellë të cilën Albim Kurti e përkeqëson edhe më shume me lëvizjet e tij të njëanshme të drejtuara nga inati” – deklaroi Gigiç

I pyetur nëse në këtë këndvështrim duhet parë edhe “turi i fundit evropiano-amerikan” i Vjosa Osmanit, sidomos pjesëmarrja në Samitin e NATO-s në Uashington, politologu i njohur u shpreh se kjo vizitë ishte tregues se sa shumë janë të interesuara SHBA-të për Kosovën.

“Kujtoj se Vjosa Osmani shkoi në SHBA me ftesë të Entony Blinken dhe ende aot kabineti i saj nuk e ka zbardhur vizitën. Bëhet fjalë për një ofensivë të vërtetë diplomatike që ajo e përdor për të lobuar për pozicionin e Kosovës në arenën ndërkombëtare.

Gjithashtu mendoj se pas gjithë këtyre lëvizjeve, duket se SHBA-ja ka disa pritshmëri dhe plane të reja që kanë të bëjnë me Kosovën”- theksoi Gogiç duke shtuar se në qëndër të asaj që pritet të ndodhë do jetë Osmani te e cila Amerikanët shohin një bashkëpunuese shumë të mirë përmes së cilës do mund të arrinin qëllimet e tyre dhe se edhe vetë presidentja e ka komponentin e izolimit të Albin Kurtit.

Gigiç gjithashtu rikujtoi se dëshmi e këtij pretendimi është edhe fakti që Kurti nuk është ftuar asnjëherë për të marrë pjesë në ngjarje të mëdha dhe se gjatë qëndrimit në SHBA ka munguar edhe takimi me përfaqësues të rëndësishëm të administratës amerikane.

“Kjo në fakt tregon se Albin Kurtin nuk e shohin si bashkëbisedues, por tregon edhe se Vjosa Osmani nuk ka turp ta mbushë këtë vakum”- potencoi Ognjen Gogiç.