Vrapuesi amerikan me mina në duar, Dodik flet për Schmidt

Milorad Dodik, kreu i entitetit serb në Bosnje Hercegovinë, ka thënë se qëllimi i të gjithë cirkut të Perëndimit, me Christian Schmidt në krye, është sekuestrimi i pronës së Republika Srpska.

“Ai thotë se do ti mbrojë serbët e Bosnjes, se dëshiron të qetësojë situatën, por në fakt shkakton kaos të plotë, në një moment kur Bosnje Hercegovina ka treguar se mund të marr vendime në mënyrë të pavarur dhe të rivendosë sovranitetin e saj të shkatërruar nga të huajt. Një gjerman, i cili ka ardhur këtu ilegalisht, jep mësime dhe flet për Evropën” – deklaroi Dodik.

Ai theksoi gjithashtu se Christian Schmidt është një peng amerikan, qëllimi i vetëm i të cilit është të zbatojë dëshirat e tyre me forcë dhe imponim.

Dodik njoftoi se do të ngre padi kundër qeverisë së SHBA për shkak të sanksioneve kundër individëve të caktuar në Republika Srpska.

“Ai thotë se do ta sjellë Evropën në Bosnje Hercegovinë dhe pyet se çfarë ka të keqe që t’i imponosh zgjidhje një vendi sovran.” Por kjo është jo vetëm e paligjshme, por edhe e papërgjegjshme” – deklaroi Dodik duke shtuar se “Asnjë person normal nuk mund ta mbështesë këtë, përveç atyre që kanë interes të ruajnë karakterin kolonial të Bosnjë-Hercegovinës”.

“Ne presim që të gjithë aktorët të tregojnë se nuk ka vend për ndërhyrje të huaja në Bosnje dhe Hercegovinë dhe se duan të ruajnë Bosnje  Hercegovinën sipas marrëveshjes së Dejtonit” – tha presidenti i Republikës Srpska, duke theksuar se në Bosnjë dhe Hercegovinë nuk ka vend as për Christian Schmidt dhe as për imponime.

“Ai shkatërroi rrugën evropiane sipas udhëzimeve amerikane dhe vetëm me largimin e tij Bosnja dhe Hercegovina mund t’i kthehet përmbushjes së këtij qëllimi strategjik” –  ka shkruar Dodik në rrjetin social X.

Dje, presidenti i Serbisë, Aleksandër Vuçiç, pas takimit me Përfaqësuesin e Lartë për Bosnjë dhe Hercegovinë, Christian Schmidt në Beograd, ka thënë se Serbia qëndron për marrëdhënie të mira fqinjësore dhe mbështet Marrëveshjen e Dejtonit.

“Kam biseduar me Schmidt për ngjarjet aktuale, integrimin evropian dhe proceset e zhvillimit në rajon. Theksova se Serbia mbron fuqishëm marrëdhëniet e fqinjësisë së mirë, bashkëpunimin dhe stabilitetin, si dhe respektimin e së drejtës publike ndërkombëtare, të cilat janë parakusht i domosdoshëm për çdo përparim të mëtejshëm ekonomik dhe social” – ka shkruar Vuçiq në Instagram.