Connect with us

Kronike

Vrasja në Kavajë, arrestohet miku i Habib Rexhës

Elvis Kurti, miku i Habib Rexhës është arrestuar nga policia pasi e ka ndihmuar atë të largohet nga vendi i ngjarjes pas ekzekutimit të Arian Gosës.

Elvis Kurti është shoqëruar mbrëmjen e djeshme në komisariat pas vetëdorëzimit të Rexhës, ndërsa tashmë është vendosur arrestimi i tij për përkrahjen e autorit të vrasjes së Arian Gosës.

Habib Rexha u vetëdorëzua në polici pas negociatave me familjarët e të riut. Gjatë dëshmisë së dhënë në polici, autori i ngjarjes ka mohuar të ketë bërë një planifikim për vrasjen e Arjan Gosës duke thënë se e kishte parë rastësisht brenda lokalit në Kavajë dhe nga gjaknxehtësia pasi iu kujtua vëllai i tij.

Në dëshminë e tij, Habib Rexha ka thënë se ka qenë bashkë me shokun e tij Elvis Kurti, por ky i fundit nuk kishte qenë në dijeni mbi ngjarjen. Kurti dyshohet se e ka ndihmuar Rexhën që pas vrasjes të largohet në drejtim të Kukësit.

Vrasja e Arian Gosës në Kavajë, gjendet në Durrës arma e krimit dhe makina që përdori për t’u larguar me mikun e tij

Arma dhe makina që përdori Habib Rexha për t’u larguar nga vendi i ngjarjes pas vrasjes së Arian Gosës është gjetur në zonën e plazhit në Durrës. Ka qenë vetë Rexha ka treguar vendin se ku e ka lënë. Ervin Kurti, miku i tij e ka shoqëruar deri në Durrës.

Related Topics:
Advertisement