Kronike
Vrau pronarin e shtëpisë/ Policia arreston Lekë Vuksanin
Pas 21 orësh në kërkim, policia e Shkodrës, së bashku me forcat speciale RENEA, kanë bërë të mundur arrestimin e Lekë Vuksanit, 34 vjeçari që dyshohet se ka vrarë me armë zjarri, Petrit Vuksanin, ngjarje e ndodhur mesditën e së martës në këtë qytet.
Pas kreu krimin, ai është larguar nga vendi i ngjarjes, duke marrë me vete edhe armën tip kallashnikov. 34 vjeçari ka qëndruar gjatë pasdites i fshehur pak metra larg banesës ku dyshohet se vrau Petrit Vuksanin, bashkëfshatarin e tij me të njëjtin mbiemër por që nuk kanë lidhje familjare.
Pas kontrolleve të policisë nëpër të gjithë zonën por edhe vëzhgimeve me drone, ai është ndjerë i frikësuar dhe në orët e mbrëmjes është futur me dhunë në shtëpinë e një gruaje, në rrugën “Pjetër Budi” duke e kërcënuar nën presionin e armës për t’a strehuar dhe për të mos njoftuar uniformat blu.
Këto të fundit, kanë arritur ta lokalizojnë 34 vjeçarin dhe pas negociatave edhe me forcat RENEA, mëngjesin e kësaj të mërkure, ka pranuar të bashkëpunojë dhe të mos kundërshtojë forcat e rendit. Lekë Vuksani më pas është arrestuar dhe në banesën ku ishte futur me dhunë i është gjetur edhe arma me të cilën ka kërcënuar gruan e shtëpisë por njëkohësisht edhe arma me të cilën dyshohet se ka kryer krimin.
Ndërkohë prokuroria e Shkodrës, po vijon hetimet për vrasjen ku po merret ne pyetje 34 vjeçari. Pista kryesore është ajo e konfliktit për qiranë e banesës, ku ai nuk i ka paguar paratë pronarit dhe më pas e ka vrarë.
Ushtria serbe marshon në Prijedor pa lejen e Presidencës së Bosnjës, zyrtari: Akt klasik agresioni nëse…
Aksident i dyfishtë, pas përplasjes makina del nga rruga dhe godet shtyllën e energjisë elektrike
Dyshekë, divanë dhe…/ Sunak nuk lë asgjë në rezidencë, boshatis godinën për kryeministrin e ri të britanikëve
Prekja e topit me dorë brenda zonës, reagon mbrojtësi Cucurella
Tërmet në Maqedoninë e Veriut, lëkundjet ndihen edhe në Pogradec
Macroni në ‘shënjestër’, si e zhgënjeu popullin e tij dhe e zhyti Evropën në kaos
Zjarr masiv në fushat e Maliqit, vihen në alarm shërbimet zjarrfikëse
