Vuçiç: BE flet gjithmonë për të dyja palët, kjo e vështirëson situatën për Serbinë

Presidenti i Serbisë, Aleksandër Vuçiç, duke iu referuar obligimeve që Kosova dhe Serbia kanë në dialogun e ndërmjetësuar nga BE, por që duket se ka ngecur, ka thënë se Unioni gjithmonë thekson se përgjegjësinë e kanë të dyja palët, gjë e cila sipas Vucic, “vështirëson situatën” për Beogradin.

Komentet e presidentit serb erdhën menjëherë pas deklaratës se të Dërguarit Special të BE-së për dialogun Kosovë-Serbi, Miroslav Lajçak, i cili tha se të dyja palët duhet të bëjnë diçka për të marrë diçka.

“Gjithmonë do të ketë të dyja pale. Gjithmonë ata do të krijojnë barazi mes të gjithëve. Çfarë të bëjmë? Në të njëjtën kohë duhet të kujdesemi që të mbrojmë të ardhmen tonë ekonomike dhe paralelisht të kujdesemi për interesat tona kombëtare dhe shtetërore” –  deklaroi presidenti serb, sipas te cilit, kjo situatë “nuk është as e lehtë dhe as e thjeshtë”, por shtoi se “deri më tani ne kemi arritur të zbusim presionet, dhe besoj se do të kemi sukses edhe në të ardhmen”.