Vuçiç ESHTE NE HALL/ Mediumi i njohur: Po ndez tensionet në shoqëri me historinë e vrasjes së tij

Studentët e Serbisë, janë mbështetur edhe nga fermerë dhe juristë që kanë pezulluar punën per te protestuar kunder Aleksander Vucic. Në mes të njërës prej krizave më të mëdha politike që nga ardhja në pushtet e Partisë Progresive Serbe, presidenti në vend që të qetësojë situatën, ndez tensionet në shoqëri me historitë per planet e vrasjes se tij.

Sipas mediumit serb ‘Nova’, Aleksandar Vuçiq prej ditësh ka ngritur tensione në një atmosferë tashmë të ndezur dhe mesazhet e fundit mund të interpretohen si nxitje e konflikteve civile.

“Jam gjallë, gjithë jetën kam jetuar këtu, i jam mirënjohës Serbisë sime, do të qëndroj, ky është vendi im ku do të mbyll jeten. Unë do të luftoj për Serbinë dhe do t’i shërbej popullit serb asnjëherë të huajve, asnjëherë atyre që duan ta mposhtin, poshtërojnë dhe shkatërrojnë Serbinë” – kujtojme se ka shkruar Vuçiq në llogarinë e tij në Instagram.

Duke komentuar deklaratat e presidentit, Dragan Popoviq nga Qendra për Politikë Praktike tha se në këtë mënyrë Vuçiq po e radikalizon situatën dhe gjithçka e paraqet si “luftë për jetë a vdekje”.

“Gjatë gjithë kohës që ai ka qenë në pushtet, Vucic ka përhapur frikë në mesin e njerëzve dhe kjo është metoda e tij kryesore e qeverisjes – të frikësojë njerëzit dhe ta paraqesë shoqërinë vazhdimisht në prag të ndonjë konflikti apo fatkeqësie te madhe, qofshin ‘armiqtë’ e huaj apo të brendshëm”, theksoi Popoviq dhe nënvizoi se presidenti i Serbisë, çdo proces politik në vend e paraqet si sulm ndaj vendit.

“Sigurisht që kjo është marrëzi, por nga ana tjetër, padyshim që funksionon për një pjesë të zgjedhësve dhe prandaj ai insiston me këmbëngulje” – u shpreh Popovic duke potencuar se “Ai po përpiqet të radikalizojë votuesit e tij dhe t’i bëjë ata të mendojnë se duhet të mbrojnë liderin me jetën e tyre dhe se kjo do të thotë të mbrohet vendi. Kjo është një sjellje mjaft klasike për një autokrat. Çdo autokrat në botë përfundon duke e bërë këtë, duke e mbrojtur veten, duke e shitur si luftë për Serbinë”.