Vuçiç: Nuk do na pyesin fare, Perëndimi do na sjellë tekstin e Asociacionit

Presidenti serb, Aleksandër Vuçiç ka deklaruar nga Beogradi se ndërkombëtarët do ta çojnë tekstin e Statutit të Asociacionit të komunave me shumicë serbe në Kosovës, për të cilin thotë se “nuk do të na pyesin asgjë”.

Ai, duke komentuar edhe situatën në veri të Kosovës, deklaroi se “Të gjithë në botë e dinë se kush po përpiqet të përshkallëzojë situatën dhe kush po luan symbyllurazi me luftën”

“Ne bëmë të pamundurën për të ruajtur paqen, gjithmonë të gatshëm për kompromise – kjo është një fjalë e bukur dhe e mire dhe jo një vepër keqardhjeje” – theksoi presidenti serb gjatë një adresimi publik.