Weber: Plani Europian, iniciativë e keqkuptuar, e dënuar të dështojë

Bashkëpunëtori i lartë i Këshillit për Politikat e Demokratizimit në Berlin, Bodo Weber, duke folur për planin franko-gjerman, gjegjësisht për planin evropian për normalizimin e marrëdhënieve ndërmjet Kosovës dhe Serbisë, Weber beson se është një “iniciativë e keqkuptuar”, e cila është e dënuar të dështojë dhe se kjo është dëshmuar që më 14 shtator 2023. në “takimin e dështuar” Vuçiç-Kurti në Bruksel, por edhe pas ngjarjeve në Banjskë dhjetë ditë më vonë.

Ajo rrugë, sipas Weberit, është ndër të tjera këmbëngulja në Asociacionin e Komunave Serbe, për të cilën shtetet perëndimore kanë hartuar një statut dhe që sipas tij ka qenë pengesa kryesore për dialog për tetë vjet.

Weber deklaroi se Serbia është e vetëdijshme se asociacioni është pjesë e çështjes së statusit dhe se me pranimin e Marrëveshjes së Brukselit në vitin 2013, “de fakto” e ka njohur Kosovën.

Ai tha gjithashtu se për shkak të veprimeve të gabuara të Perëndimit, është krijuar një situatë ku asociacioni përdoret gjatë gjithë kohës për manipulim, si nga Beogradi ashtu edhe nga Prishtina, të cilat e kanë përfshirë Gjykatën Kushtetuese në atë proces dhe në këtë mënyrë i kanë mbyllur rrugën zbatimit të marrëveshjes.

Weber beson se pas ngjarjeve në Banjskë më 24 shtator, Perëndimi e shikon Beogradin “pak ndryshe”, por në përgjithësi nuk e ka korrigjuar rrugën e planifikuar. Ai beson se edhe në rastin e Banjskës, plani evropian rezultoi i pasuksesshëm. Sipas tij, Perëndimi nuk duhej ti lejonte Vucicic te urdhëronte serbët në veri të largoheshin nga institucionet, veçanërisht nga gjyqësori dhe policia, që sipas tij është “arritja më e madhe e Marrëveshjes së Prillit (Marrëveshja e Brukselit e 19 prillit 2013) dhe të dialogut politik në përgjithësi.