William Walker: Ja pse u lejua largimi i grupit të armatosur

Ish shefi i misionit verifikues të OSBE-së në Kosovë, William Walker ka ngritur dilema për largimin e grupit të armatosur nga manastiri i Banjskës. Madje ka thënë që për këtë duhen hetuar edhe trupat e KFOR-it.

Ai theksoi se për këtë ngjarje të rëndë duhet një investigim i plotë për të kuptuar se kush ishin ata persona të armatosur rëndë dhe se kush i ka autorizuar ata dhe njëkohësisht ka kërkuar që të bëhet një investigim edhe ndaj trupave paqeruajtëse të KFOR-it.

Diplomati amerikan në pension deklaroi se Serbia duhet t’i ekstradojë terroristet në Kosovë, dhe te fillohet një proces gjyqësor ndaj tyre.

Walker pret reflektim nga komuniteti ndërkombëtar edhe persa i përket çështjes së themelimit të Asociacionit të Komunave me shumicë serbe.

Nga ana tjeter, kryeministri Kurti ka mohuar në mënyrë kategorike se Qeveria e Kosovës, misioni paqeruajtës i NATO-s në Kosovë apo Misioni i Bashkimit Evropian për Sundim të Ligjit (EULEX), kanë negociuar me terroristët serbë për t’u mundësuar atyre një korridor arratisjeje