Zanetti optimist pas shortit

Inter do të përballet me Porton në 1/16 e Champions League, zv.presidenti i Interit Javier Zanetti ishte në Nyon për shortin: “E njoh skuadrën portugeze sepse ka Sergio Conceição si trajner dhe ai po bën një punë të shkëlqyer, si gjithmonë ka respekt për të gjithë kundërshtarët”.

Është e pashmangshme të mos komentohet humbja ndaj Juventusit: “Champions League nda dha një përgjigje që duhej konfirmuar në kampionat. Duhet të gjejmë ekuilibër dhe vazhdimësi edhe në Serinë A, na vjen keq që humbëm dje. Duhet të punojmë në detaje dhe detajet janë ato që bëjnë gjithmonë diferencën.”

Më pas ishte radha e administratorit të Interit Giuseppe Marotta. “Me Juventus një humbje e merituar. Unë kurrë nuk i shikoj statistikat, por në këtë rast duhet të reflektojmë. Kemi pësuar 19 gola, nga të cilat 16 jashtë fushe. Ne jemi Inter dhe nuk jemi mësuar me këto shifra, na duhet një analizë e thellë e brendshme. Ka kaq shumë humbje jashtë shtëpisë, duhet të kuptojmë pse ka këtë ndryshim midis ndeshjeve në shtëpi dhe jashtë.” Për shortin e Champions League kundër Portos: “Në letër duket e favorshme, por si gjithmonë fusha vendos”.