Zjarri në Lushnje/ Përfundon evakuuimi, 39 qytetarë të asfiksuar

 Autoritetet policore dhe zjarrfikëse kanë përfunduar evakuuimin e qytetarëve që ishin të bllokuar në qendrën tregtare Metropol, e cila u përfshi nga flakët pasditën e sotme në Lushnje. Mësohet se janë dërguar në spital për të marrë ndihmë mjekësore 39 qytetarë dhe 3 punonjës të zjarrfikëses. Ndërkohë që shkaku i zjarrit nuk është zbuluar ende.

Njoftimi i Policisë:

Lushnjë Përfundoi operacioni i evakuim shpëtimit në qendrën tregëtare në Lushnjë. Në operacion për evakuimin e qytetarëve morën pjesë Forcat Renea, Forcat e Sigurisë Kombëtare, Njësitë Shqiponja, shërbimet e Komisariatit të Policisë Lushnjë dhe zjarrfikësit. Në vendngjarje ishin Ministri i Brendshëm Taulant Balla, Drejtori i Përgjithshëm i Policisë së Shtetit Muhamet Rrumbullaku, Zëvëndës Drejtori i Përgjithshëm Sokol Bizhga, Drejtori Vendor i Policisë Fier Lorenc Panganika, Drejtues të tjerë të DVP Fier dhe drejtues të lartë të Policisë së Shtetit. Janë evakuuar dhe dërguar në spital për ndihmë mjekësore rreth 39 qytetarë dhe 3 punonjës të zjarrfikëses, jashtë rrezikut për jetën. Grupi i posaçëm hetimor në drejtimin e Prokurorisë vijon punën për zbardhjen e rrethanave të ngjarjes dhe përcaktimin e shkakut të rënies së zjarrit.