15-vjeçari shqiptar kërkon ndihmë në Itali: Më braktisi babai, nuk kishte para

Një djalë 15-vjeçar shqiptar është paraqitur para disa ditësh në polici në stacionin Navile në Bolonja , duke kërkuar ndihmë dhe duke i shpjeguar se babai e kishte braktisur në Itali pasi nuk kishte para, me premtimin se aty do të ketë “një jetë më të mirë”.

Adoleshenti, i cili nuk fliste italisht, përdori Google Translate dhe trokiti në dyert e kazermave mbrëmjen e së martës 24 tetor , rreth orës 19:00. I riu, i cili u shfaq qartësisht i frikësuar nga përvoja që po përjetonte, por me shëndet të mirë, i tha policisë se ishte braktisur nga babai i tij. Prindi, një 46-vjeçar me origjinë shqiptare, e la pasi nuk do të kishte para.

15-vjeçari kishte mbërritur në Itali pak ditë më parë, të enjten e 19 tetorit, me një fluturim nga Shqipëria dhe ishte nisur për në aeroportin Malpensa të Milanos, i shoqëruar nga babai i tij, i cili e bindi të largohej duke i premtuar kushte më të mira jetese.

Babai i 15-vjeçarit, siç konfirmuan karabinierët për Fanpage.it, u bë i pagjurmueshëm pas kthimit në Shqipëri në 24 orët në vijim dhe për pasojë u denoncua në Prokurori për braktisje të të miturve.