25 vjeçaren e vranë? Të afërmit e Xhuanës ngrenë dyshime: Kush e shkroi letrën?

Sipas saj, Xhuana ishte rritur në një familje të thjeshtë që kishte bërë shumë sakrifica për të rritur katër vajzat. Ajo ishte e arsimuar dhe kishte përfunduar studimet në drejtësi, ndërsa më herët kishte punuar në një zyrë noterie në Lezhë.

Kushërira tregoi se martesa e Xhuanës kishte zgjatur vetëm tre muaj dhe se çifti kishte jetuar në një ambient të tensionuar. Sipas saj, ndarja ishte bërë me mirëkuptim mes familjeve dhe pa kundërshtime, ndërsa familjarët e kishin mbështetur vajzën për t’u larguar nga ajo marrëdhënie.

Mira Nikolli tha se Xhuana kishte hasur probleme jo vetëm me bashkëshortin, por edhe me familjen e tij. Ajo pretendon se burri ishte shumë i ndikuar nga nëna e tij dhe se konfliktet u përkeqësuan kur e reja kërkoi të jetonin të ndarë nga prindërit e tij. Sipas familjarëve, në atë periudhë ndaj saj ishte ushtruar presion dhe dyshohet edhe për dhunë.

Kushërira e të ndjerës theksoi se Xhuana po përpiqej të niste një jetë të re në Tiranë dhe se ishte optimiste për të ardhmen. Sipas saj, në mëngjesin e ditës së ngjarjes ajo kishte folur me nënën dhe ishte shprehur e lumtur për punën e re që kishte nisur.

“Xhuana u rrit në këtë familje të thjeshtë, që i rritën katër vajzat me sakrifica dhe djersën e ballit. Ajo ishte e shkolluar, kishte bërë shkollën për juridik. Në gjimnaz pari fatkeqësinë të njohë njeriun e gabuar, e këtë e mësoi pas martesës, e cila zgjati vetëm tre muaj. Çifti jetonte në një ambient toksik dhe vendosën të ndaheshin. Familja e mbështeti këtë dhe e tërhoqën vajzën nga shtëpia e djalit, nuk hasën rezistencë, ndarja u bë me mirëkuptim. Xhuana punonte në një zyrë noterie në Lezhë.

Erdhi në Tiranë për një jetë të re. U martua dhe hasi probleme, kishte probleme jo vetëm me burrin por edhe me vjehërrinë. Burri ishte shumë i ndikuar nga nëna, Xhuana i ka kërkuar të ndaheshin nga shtëpia, të jetonin bashkë. Burri siç duket ishte shumë I ndikuar nga nëna, kur i ka kërkuar të jetonin bashkë e ëma e djalit nuk dëgjoi, ushtronte presion mbi djalin e kishte nën kontroll. Aty më pas u përball me dhunën e vjehrrës, me të thënë e kam se unë nuk kam qenë aty.

Unë di që janë gjetur shenja dhune dhe lindin pyetje çfarë e çon një vajzë 25 vjeçe drejt këtij veprimi, po niste një jetë të re, ishte shumë e kënaqur. E di që ka folur me mamanë e saj në mëngjes, ishte e lumtur për punën e re. Në mbrëmje do të festonin ditëlindjen e nipit apo mbesës se nuk e mbaj mend tani, kishin organizuar me motrën një festë, kishte blerë edhe fustanin, pse duhet ta vriste veten pikërisht atë ditë? Atë që ka ndodhur e dinë vetëm ata të dy, dyshimet janë të shumta. Mjafton një letër që ka lënë të vërtetojë që ka lënë një letër? Kush e shkroi letrën? E shkroi me vullnetin e saj apo e shkroi dikush tjetër?”, tha kushërira e 25-vjeçares./