Olsi Rama ka reaguar pas akuzave të Gazment Bardhit, se ka qenë i përfshirë në trafikun e drogës.
Reagimi i plotë
Nuk jam as i shokuar, as hiç i habitur nga kjo rinxjerrje e një akuze të përsëritur vite më parë prej një njeriu që nuk ka lënë pjesë të familjes time pa prekur paburrërisht. Futja e njerëzve të familjes tonë – nga babai i ndarë nga jeta para se sa Edi të merrte detyrën, tek i biri kur ishte vetëm 10 vjeç – në çorbën e thashethemeve dhe akuzave nga më monstruozet që kundërshtarët e tim vëllai i sajojnë se s’dinë se si ta mundin atë me votë, është një mizerabilitet njerëzor që ne fatkeqësisht e kemi pranuar si një realitet, por të cilin duhet me doemos ta ndryshojmë sa nuk është shumë vonë.
Deri më sot nuk kisha marrë asnjëherë mundimin tju përgjigjesha akuzave drejt meje i ndërgjegjshëm se këto ishin dhe janë pjesë e baltës poltike ndaj tim vëllai e jo ndaj meje. Kush më njeh e di sa i pastër jam dhe sa kjo baltë nuk më përket, ndaj dhe nuk kam dashur ta hedh mbrapsht.
As nuk e mohoj dhe as kam asnjë arsye ta fsheh që unë kam njohur në distancë një nga personat në fjalë, po aspak atë për të cilin me aq zell e dëshirë më akuzon ky kanakari i atij sharlatanit famëkeq që na ka sulmuar me qindra herë familjen, ndërsa bën tani prokurorin politik për një çështje të hetuar dhe të gjykuar ku unë s’kam kurrfarë lidhje.
Jam krenar për tim vëlla, e votoj me kënaqësi si pjesë e shumicës së shqiptarëve për kaq vite dhe ia bëj hallall pjesën time të baltës familjare për shkak të detyrës së tij. Po as jam përfshirë ndonjëherë me politikë, apo me hallet e punës së tij dhe as i kam shkuar ndonjëherë në zyrë, apo kam kërkuar ndonjëherë prej tij ose ministrave të tij ndonjë favor. Për shembull, më vjen keq që prej vitesh klubi “Partizani” kërkon pa sukses nga Ministria e Mbrojtjes, kthimin e disa barakave të shkatërruara të ushtrisë në terren sportiv, për t’ia bashkëngjitur kompleksit sportiv që Presidenti i klubit e ka investuar vetë dhe asgjë nuk lëviz Në vitin 2025 Shqipëria do të mikpresë Europianin e të rinjve U-17 dhe stadiumi i Partizanit është përzgjedhur si një nga stadiumet e këtij kompeticioni që vjen për herë të parë në Ballkan. Uroj që qeveria t’ia japë më në fund “Partizanit” ato barraka që kalben mbi tokë pa asnjë ushtar rrotull tyre, që klubi ynë të krijojë një hapësirë të re të gjelbër për shumë djemtë e vajzat që luajnë futboll.
Ndërsa për sa i takon lidhjeve të mia me drogën, ato janë po aq të vërteta sa lidhja me të vërtetën e këtij të paburrit që më akuzon. Kështuqë dhe kaq sa i kushtova këtij teatri kukullash e shpenzova vetëm në emër të dinjitetit të rolit tim si drejtues i një klubi futbolli, ku racizmi dhe droga konsiderohen armiq të njeriut dhe shoqërisë.
Situata para bashkisë së Tiranës është tensionuar pasi protestuesit kanë hequr gardhin metalik, duke u përplasur fizikisht edhe me policinë.
Me thirrjet “poshtë diktatura”, protestuesit janë përleshur me forcat e rendit, të cilët kanë rrethuar godinën e bashkisë.
Për të shpërndarë protestuesit eshte hedhur edhe gaz lotsjellës.
Më herët këshilltarët e opozitës në bashkinë e Tiranës tentuan të çajnë kordonin e policisë me qëllim për të hyrë brenda ambienteve të bashkisë, por nuk janë lejuar.
Një efektiv policie po transportohet me ambulancë në drejtim të spitalit për ndihmë mjekësore.
Polici ishte në shërbim gjatë protestës së opozitës që po zhvillohet para bashkisë së Tiranës.
Duke qenë se nuk u ndje mirë, efektivi ka humbur ndjenjat dhe ka rënë në tokë. Doktor Ilir Alimehmeti, pjesë e protestës, i ka dhënë ndihmën e parë.
Regjisori, Edmond Budina ka marrë pjesë në protestën e opozitës para bashkisë së Tiranës. Gjatë fjalës së tij Budina u shpreh se në bashki dhe në qeveri janë një bandë mafiozësh.
Ai më tej shtoi se koha e fjalëve ka mbaruar dhe se qeveritarët duhet që të largohen nga postet e tyre. Regjizori u shpreh se qytetarët do ta çojnë këtë kauzë përpara dhe se në dorë ka vezën të cilën do e hedhë drej bashkisë sepse sipas tij ata meritojnë gjithçka.
“Këta qeveritarë duhet të shporren. Koha e fjalëve ka mbaruar, duhet të ikin. Kjo është banda e mafiozëve. Duhet që të ikin, ne jemi këtu për fitore. Unë nuk bëj pjesë në asnjë pjesë shoqërie që bën keq. Ne jemi këtu kundër kësaj bande mafioze.
Policia e Shtetit t’i thërrasë mendjen, të jetë me qytetarët. Qytetarët do ta çojnë këtë kauzë përpara. Veliaj atje në burg e ke vendin në burg. Qytetarë të Tiranës, këtu është banda mafioze, e kam vezën e do ua hedh, meritojnë gjithçka,” tha ai.
Protestuesit që janë mbledhur para bashkisë së Tiranës kanë hedhur shishe me molotov drejt godinës së bashkisë. Siç shihet edhe në foto, molotovët shpërthyen në flakë para dyerve të Bashkisë dhe është dashur ndërhyrja e policisë për të shuar zjarrin.
Protesta e Rithemelimit dhe Aleancës për Mbrojtjen e Teatrit ka nisur në orën 16:30 pranë Bashkisë së Tiranës kur dhe është thirrur dhe këshilli bashkiak që do zhvillohet online. Policia e shtetit më herët bëri thirrje për distancimin nga dhuna dhe njoftoi masat e marra për mbarëvajtjen e protestës.
Policia njoftoi qytetarët se prej orës 16:00 e në vijim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës. Për këtë arsye sugjerojmë që të përdoren rrugë alternative, deri në përfundim të tubimit, si Unaza e Mesme dhe Unaza e Madhe.
Kjo e sotmja është protesta e pestë para bashkisë së Tiranës. Protesta e 26 prillit, u shënjua sërish nga episode të dhunshme. Bombat molotov ndaj godinës rrezikuan policët, ndërsa këshilltarët opozitarë tentuan të çajnë gardhin metalik e të hyjnë me forcë në bashki.
Artan Hoxha ka dhënë detaje për një proces gjyqësor që po zhvillohet në Bruksel, për një organizatë të fuqishme kriminale shqiptare, e cila vepronte në disa shtete të Europës.
Hoxha ka shpjeguar lidhjet e forta të krerëve të organizatës edhe me politikanë shqiptarë dhe planet për të pastruar paratë në kulla dhe biznese në Shqipëri.
Hoxha tha se ata kanë dhënë dhurata për politikanët tanë, përfshirë edhe një orë me vlerë 400 mijë euro, por nuk është publikuar emri i politikanit që e ka marrë.
“Bëjnë biznes në Bruksel për të pushtuar Tiranën. Ditën që ka ndodhur operacioni, në shtatë shtete të Evropës, janë bërë 80 kontrolle, mbi 50 arrestimet, sipërmarrje e madhe e policive të disa shteteve. Rreth orës 04:00 më shkruajnë shqiptarë nga Fieri, që jetojnë në Antëerp dhe thonë ka ardhur policia dhe është thyer banesa e bashkë-patriotëve.
Prokurori ka hetuar edhe çështjen Toyota Yaris në Shqipëri, 5 milionë euro që do të vinin në Shqipëri dhe u lajmërua edhe në Parlament para se të vinin. Edhe sot e kësaj dite nuk e dimë të kujt ishin paratë. Ne e mbyllëm si histori dhe nuk pati hetim.
Kishim të bënim me laboratorë të përpunimit të kokainës në Belgjikë dhe në Hollandë. Personat që qëndronin në krye ishin shqiptarë nga Kosova dhe Shqipëria, kishin si bazë ishullin Majorka të Spanjës.
Nga hetimet e deritanishme, zanafilla ka qenë një kapje e rastësishme nga policia belge.
Vijmë te pjesa e Shqipërisë. Grupi ka patur kontakte me njerëz të elitës politike dhe biznesit dhe pushtetit. Interesi ka qenë pastrimi i parave.
Në një nga takimet, kanë udhëtuar nga Europa me avion privat në drejtim të Arubës. Dyshohet që ka marrë pjesë një bosë i krimit të organizuar shqiptar që jeton në Florida, këta të tjerët nga Majorka, këta të tjerët nga Shqipëria.
Kanë diskutuar çfarë procedurash duhen për të ndërtuar kullë në Tiranë. Paratë ishin cash dhe si do të futeshin në sistem. Kjo është kapur nga prokuroria belge. Prokurorit belg nuk i intereson çfarë do të ndërtojnë në Tiranë, por u intereson krimi në Belgjikë. Kanë futur disa tonë kokainë. Belgjika heton krimet që kanë ndodhur në Belgjikë. A kanë bashkëpunuar tanët me Belgjikën? Kanë material për një hetim që mund të bëhet edhe në Shqipëri. Kullat, vinçat, paratë që nuk e dimë nga vijnë, çmimet që shkojnë kacafiu. Në vend të bjerë çmimi për metër katror, ndodh e kundërta.
Hetimi “Shqiponjat e zeza”, ne na intereson të zbërthehet, të marrim dosjet e Italisë, Kroacisë, Spanjës, Hollandës dhe të krijojmë panoramë.
Ky personi nga Gjermania, kontrollon industrinë e lojrave të fatit, ndërsa në Shqipëri ka miq shumë të rëndësishëm. Ka qenë afër kryeministrave tanë, quhet Bashkim Osmani. Ky është kapur në Kroaci, ka lidhje shumë të forta në Shqipëri. Vetëm pikturat që janë gjetur, shkojnë në 17 milionë euro, 86 piktura. Pretendohet se është dhuruar një orë me vlerë 400 mijë euro, një personazhi nga politika jonë, por nuk identifikohet. Janë paguar pushime, pushime me jahte.
Edhe kokaina është marrë me jahte dhe avionë të vegjël. Është hetim shumë kompleks, ata kanë përdorur dy portet belge dhe Belgjika po heton për hesap të vetë. Prokurori ka vepruar në shtatë shtete dhe nuk është në gjendje ti koordinojë në të gjitha këto.
Gjithë ky hetim dhe Shqipëria ka qenë larg këtij hetimi. Është pikëpyetje e madhe kjo. Kemi të bëjmë me personazhe që na çojnë te këta njerëzit të rëndësishme”, tha Hoxha në emisionin “Të Paekspozuarit”.
“Jam duke QARË”/ Kejvina Kthjella befason me komentin te postimi i Luizit dhe Kiarës
Serbia ngre flamurin e bardhë? Vuçiç: Kosova do të anëtarësohet në Këshillin e Evropës
Kiara dhe Luiz prindër për herë të parë, por a i uroi Ledion Liço çiftin? FOTO
Kush është politikani që do të arrestohet këtë javë? Anila Hoxha tregon emrat…
Klubet e KURTHIT për Kosovën, në Francë dhe Gjermani
“U mbulova në djersë…”/ Luizi dhe Kiara përfundojnë me URGJENCË në spital
Betejë për çmimin e madh/ Romeo i mërzitur: Më bënë jo burrë
Ky është një moment shumë i mirë për tu marrë me pasione dhe projekte të vjetra
