Agjentë të BKH, kontroll në shtëpinë dhe zyrën e kryebashkiakut Veliaj

Agjentë të BKH kanë kontrolluar sot banesën dhe zyrën e kryeabshkiakut të Tiranës Erion Veliaj, ndërkohë që ai gjendet jashtë Shqipërisë në një udhëtim zyrtar.

Është e paqartë ende se për kë çështje po kryhen kontrollet e banesave dhe zyrë.

Veliaj është njoftuar se ka një procedurë të kontrollit të  pasurisë për të dhe familjarë të tij.

Në cështjen e inceneratorit të Tiranës, Veliaj nuk është marrë i pandehur pasi dosja ka shkuar në gjyq.

SIPAS TEMA – https://www.gazetatema.net/politika/agjente-te-bkh-kontroll-ne-shtepine-dhe-zyren-e-kryebashkiakut-veliaj-i470088

Burime për Report Tv thonë se me vendim të Gjykatës së Posaçme, BKH, ka sekuestruar sot, telefonin e Ajola Xoxës, bashkëshortes së kryetarit të Bashkisë së Tiranës, Erion Veliaj. Të njëjtat burime thonë se telefoni i Ajola Xoxës është sekuestruar në kuadër të hetimit pasuror, nga prokurori Ols Dado.

Një grup i agjentëve të BKH-së kanë shkuar sot në banesën e Veliajt për të sekuestruar celularin, por burimet sqarojnë se nuk është ushtruar kontroll në banesën e kryebashkiakut të Tiranës.

LAJMI NE PERDITESIM

Me vendim të Gjykatës së Posaçme, burime për Report Tv bëjnë me dije se SPAK ka sekuestruar telefonin e Ajola Xoxës, bashkëshortes së kryetarit të Bashkisë së Tiranës, Erion Veliaj. Të njëjtat burime thonë se telefoni i Ajola Xoxës është sekuestruar në kuadër të një hetimi pasuror të nisur disa muaj më parë nga prokurori Ols Dado. Një grup i agjentëve të BKH-së kanë shkuar sot, 6 dhjetor, në banesën e Veliajt për të sekuestruar celularin, por burimet sqarojnë se nuk është ushtruar asnjë kontroll në shtëpinë e kryebashkiakut të Tiranës.