Aneksimi i Ukrainës Lindore

Përshkallëzim i rrezikshëm që nuk ka vend në botën e sotme. Pretendime që nuk do t’i pranojmë kurrë. Akt armiqësor të cilit do t’i përgjigjemi me forcë dhe vendosmëri. 

Për aneksimin e katër rajoneve të Ukrainës që Rusia po festoon, vjen dënimi I Kombeve të Bashkuara dhe komunitetit ndërkombëtar.

Sekretari i Përgjithshëm i OKB-së, Antonio Guterres, foli për një përshkallëzim të rrezikshëm që “do të rrezikonte perspektivat për paqen në rajon” dhe përsëriti se aneksimi i rajoneve të Kherson, Zaporizhzhia, Donetsk dhe Luhansk “nuk do të kishte asnjë vlerë ligjore” dhe ” duhet dënuar”.

Pavarësisht pretendimeve të Guterres, Kremlini dhe media shtetërore ruse pretendojnë se pavarësia e rajoneve është në përputhje me të drejtën ndërkombëtare dhe e sanksionuar nga Karta e Kombeve të Bashkuara.

Presidenti ukrainas premtoi një përgjigje të fortë dhe vendimtare, duke iu drejtuar në një video-mesazh direkt popullit rus. 

Sipas Shtëpisë së Bardhë, “Shtetet e Bashkuara kurrë, kurrë, kurrë nuk do të njohin pretendimet e Rusisë mbi territorin sovran të Ukrainës. Të ashtuquajturat referendume ishin një farsë, një farsë absolute. Rezultatet u fabrikuan në Moskë.”

Duke i dhënë Moskës rreth 15% të territorit ukrainas, aneksimi shënon një kthim te ‘Nëna Rusi’ në sytë e prorusëve. 

https://www.youtube.com/watch?v=fDZjWYtUFlk