Armëpushimi në Gaza/ Izraeli merr listën e pengjeve që do lirohen, mes tyre 5 turistë tajlandezë

Hamasi ka dorëzuar listën e pengjeve izraelite që do të lirohen ditën e nesërme, mes tyre 5 turistë tajlandezë.

Izraeli ka marrë një listë nga Hamasi me emrat e pengjeve që pritet të lirohen ditën e nesërme sipas marrëveshjes së armëpushimit të arritur mes palëve, njoftoi zyra e kryeministrit izraelit, Benjamin Netanyahu.

Në njoftimin e kryeministrisë nuk përmenden emrat e pengjeve, por me sa duket mes tyre janë dy gra, pasi emrat e tyre janë bërë të ditur tashmë nga Netanyahu. Ato janë Arbel Yehud 29-vjeç dhe Agam Berger 20-vjeç.

Sipas meiave izraelite, përveç pengjeve izraelite, nesër do të lirohen edhe 5 turistë tajlandezë, të mbajtur peng nga Hamasi që nga sulmi i 7 tetorit të vitit 2023.