Dronët që alarmuan aeroportin e Kopenhagenit/ Reagon Von der Leyen: Infrastruktura jonë është në rrezik

Presidentja e Komisionit Evropian, Ursula von der Leyen, tha se dronët që nxorën në tokë fluturimet në aeroportin kryesor të Danimarkës në Kopenhagen ishin pjesë e një modeli të vënies në pikëpyetje të vazhdueshme në kufijtë .

“Infrastruktura jonë  është në rrezik”, tha von der Leyen në një postim në platformën e rrjeteve sociale X, duke shtuar se ngjarjet janë ende duke u hetuar. “Dhe Evropa do t’i përgjigjet këtij kërcënimi me forcë dhe vendosmëri”, përfundoi presidentja e Komisionit në postimin e saj.

Just spoke with PM Frederiksen regarding the drones incursion around Copenhagen airport.

While the facts are still being established, it is clear we are witnessing a pattern of persistent contestation at our borders.

Our critical infrastructure is at risk.

And Europe will…

— Ursula von der Leyen (@vonderleyen) September 23, 2025

Aeroportet e Kopenhagenit dhe Oslos u mbyllën të hënën për shkak të pranisë së dronëve të paidentifikuar. Policia daneze tha gjithashtu sot se dronët, të cilët mbyllën aeroportin kryesor të vendit dje, duket se drejtoheshin nga “një pilot kompetent”, duke shtuar se nuk ishte identifikuar asnjë i dyshuar.

“Kemi arritur në përfundimin se ky ishte dikush që do ta quanim një operator kompetent”, u tha shefi i policisë Jens Jespersen gazetarëve të hënën në lidhje me dronët e parë në Kopenhagen.

“Ky është dikush që ka aftësitë, vullnetin dhe mjetet për të vepruar në këtë mënyrë”, tha Jespersen, duke shtuar se ishte ende shumë herët për të thënë nëse incidentet në Danimarkë dhe Norvegji ishin të lidhura.

Aeroporti i Kopenhagenit u mbyll për katër orë pasi dy ose tre dronë të mëdhenj u panë duke fluturuar shumë afër, thanë zyrtarët, ndërsa aeroporti i Oslos u mbyll për tre orë pasi u panë dy dronë, sipas policisë lokale.