Dy ditë për t’i numëruar/ Bes Kallaku tregon sa para ka fituar nga dasmat

Bes Kallaku dhe Mateus Frroku janë dy personazhe mjaft të dashur për publikun, e verën që kaloi kanë kënduar bashkë në shumë dasma.

Një video e publikuar nga dy artistët disamuaj më herët u bë shumë virale, ku ata po këndonin në një dasëm ku siç e do zakoni shqiptar po hidheshin shuma të mëdha parashë në valle.

Mbrëmjen e pardjeshme aktori Bes Kallaku tregoi në emisionin “Zemër Luana” shumën e parave që kanë fituar në dasmat që kanë qënë të ftuar këtë verë. Besi tregoi se lekët që morën nga kjo dasëm u janë dashur dy ditë për t’i numëruar.

“Unë dhe Mateus Frroku kemi qenë në një dasmë në Korçë dhe ata që kishin ardhur ishin nga Kanadaja dhe amerikanë. Na kanë mbuluar me 1 dollarësha dhe unë me Mateusin kemi qëndruar 2 ditë që i kemi numëruar. Ishin diku te 8900 dollarë”, u shpreh duke qeshur aktori i humorit.

Kujtojmë se kjo dyshe solli një këngë që u pëlqye shumë nga publiku me titull “Rrapatushe”, që me sa duket ka ndezur dasmorët verën që lamë pas dhe u ka sjellë mjaft fitime dy artistëve.