EMRAT/ Pezullohen nga detyra dy drejtuesit e komisariatit Devoll

Dy drejtuesit e komisariatit të Devollit, shefi i komisariatit dhe shefi i rendit janë pezulluar nga detyra. Besim Palamani shefi komisariatit, Admir Belishta shef i rendit, akuzohen për “shpërdorim detyre”. Dy drejtuesit kanë qënë në përgjim për më tepër se 3 muaj dhe dyshohet se kanë lejuar prerjen e paligjshme të pyjeve si edhe transportimin e tyre nga disa persona.

Çështja po shqyrtohet në prokurorinë e rrethit gjyqësor Korçë, në bashkëpunim me Agjencinë e Mbikqyrjes Policore. Ende nuk ka një njoftim zyrtar nga Policia për këto pezullime të kryera.