Eskalon Zonja Zakrahova, flet për shpërblime dhe spastrime në Kosovë

Zëdhënësja e Ministrisë së Jashtme të Rusisë, Maria Zakharova bëri disa dezinformata rreth Kosovës, të cilat u transmetuan në mediat ruse dhe ato në Serbi.

Në  një konferencë për media para gazetarëve rusë, Zakrahova vijoi narrative e saj, teksa u shpreh se gjoja “Qeveria e Kosovës po i shtyp serbët”, dhe duke sjkuar edhe më tej, deklaroi duke pretenduar se “këtë e inkurajojnë euroatlantikët”.

Në veçanti bie në sy pjesa ku ajo tha se “kosovarët e fituan liberalizimin e vizave nga Brukseli dhe amerikanët, pasi u inkurajuan prej tyre në dhunë dhe spastrimin etnik në ndaj serbëve”.

Lajmi është publikuar në mediumet propagandistike ruse “Sputnik” dhe “Russian Today”, të cilat operojnë lirshëm në Serbi dhe më pas u publikua edhe në portalin gjithashtu propagandistik serb “Novosti.rs”.

“Pozita e serbëve në Kosovë po bëhet kritike, dhe Perëndimi në vend që të nrejë alarmin, po i largohet nga problemit. Amerikanët dhe evropianët inkurajojnë spastrimin etnik të iniciuar nga Albin Kurti, duke e shpërblyer Prishtinën me udhëtimin pa viza në zonën Shëngen dhe duke promovuar aplikimin për anëtarësimin e saj në Këshillin e Evropës. Me shpresën për ta thyer ngërçin në zgjidhjen mes Albin Kurtit dhe Perëndimit, Beogradi u pajtua për kompromise të pakëndshme përsa i përket targave dhe furnizimit me energji elektrike në veri të Kosovës. Mbetet të shihet nëse Prishtina do e përdorë këtë gjest për të shtypur më tej popullatën joshqiptare” – potencoi zëdhënësja ruse.

Vlen të theksohet se kjo deklaratë është dezinformatë kundër amerikanëve, evropianëve dhe Kosovës. Në fakt, Kosova ishte shteti i fundit në Ballkanin Perëndimor që iu liberalizuan vizat pas disa vitesh tejzgjatje.