Fitore e madhe dhe rekord për Haaland, “Qytetarët” mundin pastër “Blutë” e Everton

Nuk kishte si të shkonte më mirë se kaq rikthimi, si titullar në “Etihad”. “Bomberi” norvegjez shkëlqeu mesditën e kësaj të shtune, teksa ishte padyshim protagonsiti absolut në fitoren e pastër, 2 me 0, që “Qytetarët” e Manchester City arritën ndaj “Bluve” të Everton, në sfidën e vlefshme, për javën e 24-t, të kampionatit anglez të futbollit, Premier League.

Dy gola në pjesën e dytë, të dy të shënuara nga “Vikingu” i sulmit, në minutat 71’ e 85’ mjaftuan që djemtë e teknikut Pep Guardiola, të siguronin fitoren e 10-të radhazi, në të gjitha kompeticionit, ndërsa një rekord “të ëmbël” vendosi edhe norvegjezi, i cili bëhet lojtari i parë në historinë e Premier League, që shënon plot 51 gola, në 50 ndeshjet e para në këtë kampionat.

Ndërkaq, sa i përket pikëve, “Qytetarët” ngjiten në vendin e parë të renditjes, me 52 pikë, 1 më shumë se Liverpool i vendit të dytë, me “Të Kuqtë”, që do të përballen gjatë pasdites me skuadrën e Burnley, ndërsa “Blutë” e Everton mbesin në vendin e 18-të të tabelës, me vetëm 19 pikë, pas 24 javëve të kampionatit