Gjykata e Dibrës i la në burg për vr’asjen e Renis Dobrës, Petrit Çakrri dhe Fation Bushgjokaj transferohen në Tiranë te 313, ja arsyeja

Dy autorët e dyshuar të vrasjes së 23- vjeçarit Renis Dobra janë transferuar në paraburgimin e burgut 313 në Tiranë. Petrit Çakrri dhe Fation Bushgjokaj u arrestuan disa ditë pas ngjarjes ndërsa dje gjykata e Dibrës vendosi masën e sigurisë “arrest me burg” për të dy të dyshuarit.

Raportohet se autorët janë janë transferuar tek 313 për arsye sigurie. Dyshohet se në burgun e Burrelit mund te ketë persona të afërm të viktrimës dhe mund të përshkallëzohet ngjarje brenda ambienteve te sigurisë. Gjatë seancës së zhvilluar dje ka patur debate mes Kryeprokurorit të Dibrës Abaz Muça dhe Fatjon Bushgjokës.

Bushgjoka ka kundërshtuar provat e paraqitura nga organi i akuzës. Nga ana tjetër, akuza ka pretenduar se provat janë të plota, duke theksuar mbledhjen e të dhëna nga GPS e makinave apo pamje nga kamerat e sigurisë të vendosura gjatë rrugës.

Ngjarja ka ndodhur më 8 korrik 2025 ndërsa 23-vjeçari Renis Dobra u gjet i pajetë më 9 korrik pranë liqenit të Shkopetit. Policia ka konfirmuar nga pamjet filmike dhe nga provat se katër personat Fatjon Bushgjoka (i arrestuar) Aleksandër Bushgjoka, Kristi Bushgjoka si dhe i Petrit Çakrri kanë marrë pjesë të gjithë në rrëmbimin e 23-vjecari.

Dy vëllezërit që janë në këkrim. Ndërkohë rezulton se Aleksandër Bushgjoka ka dal jashtë vendit duke përdorur kufirin me Kosovën. Një ditë pas ngjarje, më 9 korrik ai ka kaluar në Kosovë pasi ende nuk ka qënë në kërkim. Edhe per Kristi Bushgjokën policia ka dyshime të forta se ka kaluar në Kosovë dhe fshihet atje.

Pak ditë pas ngjarjes Petrit Çakrri u arrestua në hyrje të Tropojës. Sakaq pista kryesore e hetimit vijon të jetë konflikti i drogës në Gjermani mes viktimës dhe vëllezërve Bushgjoka. Megjithatë nuk përjashtohet mundësia që vëllezërit Bushgjoka dhe Petrit Çakrri të kenë marre porosi nga persona të tretë pikërisht për trafikimim e lëndëve narkotike.