Grup kriminal/ ‘Porositësi’ – Dalin emrat e të arrestuarve

Të arrestuar në kuadër të operacionit ’Porositësi”: Gentjan Beqiraj dhe Indrit Beqiraj; Ilirjan Feçi

Të shpallur në kërkim: Kevin Zeneli alias Kevin Suçi, Agron Bejdolli, Aleksander Laho alias Pëllumb Muharremi, Dritan Ferra alias Dritan Muça alias Dritan Prifti, Alban Skonja. Kasandër Noga – i arrestuar në Belgjikë.

…

Një grup kriminal është shkatërruar në qytetin e Durrësit. Janë vënë në pranga 15 persona të dyshuar për vrasje. Grupi u godit pas marrjes peng të dy vëllezërve Indrit dhe Gentian Beqiraj dhe pasi këta të dy kanë dëshmuar. Vëllezërit janë arrestuar, pasi dyshohet se janë pjesë e këtij grupi kriminal që po planifikonte te vriste Rumin e Shijakut.

Policia ka bërë me dije se vëllezërit Beqiraj dhe të arrestuarit e tjerë, të implikuar në ngjarjet kriminale.  Janë sekuestruar me armë zjarri, lëndë eksplozive, detonatorë elektrikë, sprajt paralizues, armë gjahu, armë sportive, armë të ftohta, lëndë narkotike, 4 automjete (dy prej tyre të blindura), dy motoçikleta, euro dhe sende të tjera të kundërligjshme.

NTV.AL ka mësuar nga burimet se policia ka zbardhur vrasjen e kryer në Tiranë në zonën e Don Boskos të Erion Çelës. Dy vëllezërit e marrë peng dje, Indrit dhe Gentian Beqiraj, kanë bashkëpunuar me policinë dhe kanë dëshmuar. Ata kanë dhënë detaje të rëndësishme për disa atentate të kryera në Tiranë dhe Durrëes.

Vëllezërit Beqiraj vrojtonin ‘Rrumin e Shijakut’ për ta ekzekutuar. Gentian dhe Indrit Beqiri u është komunikuar masa e arrestit nga policia dhe prokuroria e Durrësit pasi dyshohet se janë vrasës me pagesë dhe po planifikonin ekzekutimin e Aleksandër Lahos, (Pëllumb Muharremit)‘ që nihet se Rrumi i Shijakut’.

Ngjarja e së dielës në autostradën Tiranë-Durrës, ku vëllezërit u morën, nuk duket të jetë rastësore. Vëllezërit Beqiraj kanë rrëfyer se prej ditësh kanë qenë duke ruajtur dhe kontrolluar lëvizjet e Rrumit për ta vrarë. Mesa duket janë pikasur nga njerëzit e tij, mes tyre edhe Agron Bejdolli, i cili është lidhja më e fortë e Rrumit, ndërkohë që është në kërkim nga policia deri në këto momente, dhe janë konfliktuar.

Në vijim të hetimeve të thelluara, të nisura më parë nga Policia e Durrësit, në bashkëpunim me Prokurorinë, ka rezultuar se personat e arrestuar, në bashkëpunim me njëri-tjetrin, kanë vepruar në formën e një grupi të strukturuar kriminal, nga viti 2021 dhe në vazhdim.