Hakerat iranianë nuk ndalen

Pasi kanë bërë publike pothuajse të gjithë të dhënat për shtetasit shqiptarë, duke përjashtuar vetëm llogaritë bankare, hakerat iranianë kanë publikuar te djelen edhe listën e zgjedhësve.

Me anë të një postimi në Telegram, faqja e Homeland Justice, ka bërë publik një dokument në të cilin ndodhet lista e zgjedhësve.

Në një postim më lart ata shtrojnë pyetjen në mënyrë ironike: A mendojnë akoma politikanët tanë të korruptuar se ne nuk kemi akses në informacionet esenciale?

Publikimi i sotëm ndodh pas gjashtë ditësh heshtje nga bërja publike e një dokumenti më 1081 faqe ku janë listuar të dhëna të qytetarëve shqiptarë të pajisur me leje drejtimi.

Në listën e publikuar, janë të përfshira të dhëna si numrat e identitetit gjeneralitetet e plota përfshi dhe adresat.