Huligani Vuçiç i rrethuar nga kriminel dhe hajdutë/ Qëndrimi i Milojko Pantiç

Opinionisti serb Milojko Pantiç, me një ndërhyrje kirurgjikale, ka bërë një analize intime të situates politike në Serbi. Sipas tijj, vendi ka hyrë në vitin e dymbëdhjetë të sundimit të modifikuar të qeverisjes nacional-shoviniste të sllobizmit dhe sheselizmit, të cilin Aleksandçr Vuçiç e shndërroi në një diktaturë kleptokratike të krimit të quajtur Vuçiçizëm.

“Menaxhimin e institucioneve shtetërore dhe shoqërore, vertikalisht dhe horizontalisht, ai e dorëzoi në duart e palaçove të tij, njerëzve të pashkolluar, primitive, dhe për rrjedhojë të zemëruar dhe të egër për të cilët nuk ka, ligje morale. Kështu, ai e ktheu Serbinë në një kamp përqendrimi për të gjithë qytetarët, të menaxhuar nga kriminelët dhe hajdutët e Vucic nën petkun e politikës’ – shkruan Pantiç, sipas të cilit, “Presidenti serb duhej të ishte arrestuar shumë kohë më parë për grushtin e shtetit që kreu duke nëpërkëmbur ndarjen trepalëshe të pushteteve të garantuara me Kushtetutë, duke e kthyer kështu vendin dhe arkën e shtetit në pronë të tij private”.

Pantiç gjykon se politikanët dhe kriminelët kanë çmontuar demokracinë duke shpikur formula për të trullosur njerëzit me zgjedhje të shpeshta të rreme, në të cilat ata kanë edhe thikë edhe tortë në duar.

Opinionisti serb shkruan se “Për të ruajtur pushtetin komunist, Milloshevici nisi nacionalizmin çetnik dhe bashkë me të e çoi Serbinë në luftë, me supozimin për mbrojtjen e serbëve të kërcënuar në Jugosllavi, kurse tani, opozitari i tij i preferuar, Sheshel, si një serb i rremë, përmes studentit të tij më të mirë Vuçiç, ka vendosur në fron nacionalizmin e rremë, shovinizmin dhe primitivizmin si ideologji sunduese në Serbi.

“Të dy sot i gjen deri dhe në Panairin e Librit, ku priten me brohorima: “Kosova është zemra e Serbisë”.

Si një huligan i parealizuar, Vuçiç u dha idhujve të tij të dikurshëm, liderëve primitivë, diletantëve, hajdutëve dhe kriminelëve, aq shumë pushtet sa të gjithë grabisin qytetarët dhe shtetin pa asnjë kufizim” – shkruan Milojko Pantiç, duke theksuar se “Programi i Vucic është njëkohësisht avokim i rremë për Evropën dhe vëllazëri e vërtetë me Rusinë dhe Kinën.

“Toka jonë historikisht ka qenë e mbuluar nga barërat e këqija: Shesheli, Nikolici, Vuçici, Daçici, Brnabiçka, Vulini, Gashici, Radoiçici, Veselinovici etj. Ata përdorin pa problem fjalorin e majtë, të djathtë dhe të qendrës në fjalimet e tyre parazgjedhore. Edhe Evropa, edhe Rusia, edhe Kina, është politika e tyre e jashtme që nuk do të thotë as e para, as e dyta, as e treta, por quhet pushtet. Nën një qeveri të tillë, njerëzit në Serbi kanë humbur statusin e tyre si qytetarë” – ka shkruar analisti serb Milojko Pantiç