‘Ishte xheloz’/ Burri e goditi me sëpatë, gruaja rrëfen momentin e ngjarjes

Mbrëmjen e kaluar 68-vjeçarja Vasilika Budlla u godit me sëpatë pas koke nga bashkëshorti i saj 72-vjeçar Qazim Budlla.

E moshuara që përfundoi në spitalin e Traumës tani është rikthyer në shtëpinë e saj dhe rutinën e përditshme. Vasilika ka treguar për mediat momentin kur bashkëshorti e sulmoi dhe shkakun. Sipas saj shkak për këtë ngjarje të rëndë është bërë xhelozia pasi burri e akuzonte se ajo kishte sjellë kollovarë në shtëpi.

Shkoi mori sëpatën atje, erdhi me vrap dhe vetëm kur ma hyni kështu nga mbrapa. Kam shpëtuar mirë, nuk e lëshonte sëpatën se donte të më binte prapë. Unë shpëtova kot! Thonte ke sjellë kollovarë në shtëpi, shkon e bredh, vetëm nga këto problemet filloi këto kohët e fundit.

Më tej ajo thotë se bashkëshorti 72-vjeçar herë pas here shfaqte probleme të shëndetit mendor.

Filloi kështu kot më kot, kështu nuk ka kartelë, por që është i sëmurë. Përherë e ka pasur atë nervin.

E moshuara është e gatshme ta falë bashkëshortin e saj pasi kanë 40 vite martesë bashkë, por ka një kusht:

Nëqoftëse është i sëmurë të rrijë në spital dhe të kurohet, nëse ai rri mirë dhe nuk e bën atë gjë, le të vijë.

Nga ana tjetër 72-vjeçari Qazim Budlla kur është arrestuar nga policia ka deklaruar se nuk mban mend se çfarë ka bërë.