Izraeli do të hapë “Portat e Ferrit” në Gaza, do të shkëputet furnizimi me ujë dhe energji elektrike

Izraeli po përgatitet të hapë “Portat e Ferrit” në Gaza.

Këtë e ka bërë me dije ministri i Financave i Izraelit, nga ekstremi i djathtë, Bezalel Smotrich.

Smotrich deklaroi përpara udhëtimit të tij nesër në Shtetet e Bashkuara si i ftuar i Sekretarit të Thesarit të SHBA-ve, Scott Bessent, se faza e ardhshme e luftës në Gaza do të përfshijë shkëputjen e energjisë elektrike dhe ujit nga Rripi i Gazës.

Kjo, përpara se të “hapen Portat e Ferrit” me një sulm të fuqishëm dhe shkatërrues.

E gjitha, sipas Smotrich, për të nisur pushtimin e plotë të territorit dhe për fillimin e “Planit të Trump” për të inkurajuar zhvendosjen e palestinezëve.

Nga ana tjetër, Hamasi ka hedhur poshtë atë që e quan një “grusht shteti” kundër marrëveshjes së nënshkruar në janar që parashikonte fillimin e fazës së dytë me tërheqjen e ushtrisë izraelite nga Rripi.

Kushtet duhej të negocioheshin në detaje, por parimi ishte i qartë: kalimi në hapin e dytë do të nënkuptonte fundin e luftës. Megjithatë, izraelitët nuk duan të largohen nga Korridori i Filadelfit, ose të tërheqin Ushtrinë e tyre.

Opsioni i fundit të luftës nuk ishte kurrë në tryezë, përveç nëse Hamasi bie dakord për çarmatimin ose internimin ose të dyja.

Netanyahu tani dëshiron një zgjatje të fazës së parë, me më shumë shkëmbime pengjesh dhe ka pasur ndihmën amerikane me një plan të ri Witkoff që do të zgjaste armëpushimin edhe për 42 ditë të tjera, përmes Ramazanit dhe Pashkës.

Në këmbim, Hamasi do të duhet të kthejë gjysmën e të rrëmbyerve ende gjallë në Gaza, në ditën e parë dhe gjysmën tjetër në fund, nëse arrihet një marrëveshje për t’i dhënë fund konfliktit.

Militantët palestinezë nuk e kanë atë dhe presioni i Izraelit pritet të rritet. Tashmë dje pati katër të vdekur në Rrip për shkak të zjarrit të artilerisë së IDF, duke e bërë më shumë se 100 që nga fillimi i armëpushimit.