Izraeli ka kryer 250 sulme në Siri, objektet kryesore ushtarake të shkatërruara! Shpërthime të forta në Damask

Ushtria izraelite “ka shkatërruar objektet kryesore ushtarake në Siri” duke kryer rreth 250 sulme në territorin sirian që nga pushtimi i Damaskut nga rebelët dhe rënia e presidentit Bashar al-Assad.

Kjo është bërë e ditur nga Observatori Sirian për të Drejtat e Njeriut.

Sipas kësaj organizate, e cila mbështetet në një rrjet të gjerë burimesh në të gjithë Sirinë, Izraeli ka bombarduar aeroporte, radarë, depo armësh dhe municionesh, qendra kërkimore ushtarake dhe ka dëmtuar anijet e marinës siriane duke sulmuar njësitë e mbrojtjes ajrore pranë portit kryesor të Latakisë, në veriperëndim të vendit.

Ndërkohë, shpërthime të forta ndodhën në Damask gjatë mëngjesit të sotëm./La Repubblica