Khloe Kardashian në lidhje të re

Nuk dihet nëse janë duke nisur një romancë mirëpo rrjeti po zien pas publikimit të disa fotove. Khloe Kardashian është parë shumë pranë aktorit të filmi “365 Days”.

Ylli i “Kardashians” ishte e pranishme në Javën e Modës në Milano këtë fundjavë me nënën Kris Jenner dhe mbesat e nipërit për të parë sfilatën e motrës Kim Kardashian me Dolce&Gabbana në festimin e partneritetit të saj me markën luksoze të modës.

Teksa Kim ishte në skenë, Khloe ishte e zënë duke shkaktuar një zhurmë në prapaskenë, nën praninë e aktorit italian.

Në një foto të bërë publike, Michele shihet duke mbajtur Khloe me dorën e tij ndërsa ajo kishte mbështetur trupin e saj në të tijin.

Fotoja ka bërë që të ketë komente të shumta nga fansat, duke shpresuar se Khloe ka gjetur një partner të ri, pas ndarjes nga i dashuri Tristan Thompson.

“Khloe Kardashian dhe Michele Morrone (Massimo) është një dyshe që kurrë nuk e dija se do të bëheshin bashkë”, komentoi i emocionuar një fans.

“Khloe Kardashian dhe Michele Morrone një dyshe që nuk e kisha menduar kurrë”, tha një tjetër.

Khloe është duke kaluar një periudhë të vështirë, pasi mësoi se partneri i saj dhe babai i dy fëmijëve, e tradhëtoi sërish.

https://www.youtube.com/watch?v=99uywtBiGrM