Kualifikimi në Europian/ Festimi i Ylber Ramadanit “skuq” mediat në Serbi, ja çfarë shkruajnë

Një fitore që shijon më shumë se një verë në një ditë të ftohtë dimri dhe padyshim që festa bëhet akoma dhe më e madhe kur bëhet fjalë për kualifikimin në Europianin drejt Gjermanisë. Kjo është panorama më e bukur që shfaqet në çdo ekran ku ka shqiptarë që feston gjithë delir momentin pozitiv që po kalon skuadra jonë kuqezi.

Mes shumë pamjesh, një detaj epik bie në sy tek njëri prej futbollistëve i cili ka preferuar që në këtë ditë të shënuar të mbaj veshur fanellën me portretin e ish komandatit legjendar Adem Jashari. Megjithatë, duket se ky vendim i mesfushorit tonë ka ngritur pakënaqësi në rradhët e tifozëve serbë të cilët mbajnë kujtime të hidhura nga heroi i UÇK-së.

“Ylber Ramadani, festoi me fanellën me imazhin e ish-liderit të UÇK-së famëkeqe, Adem Jasharit”, shkruhet në median serbe “Telegraf”.

“Futbolli Ylber Ramadani ka veshur një fanellë me imazhin e terroristit famëkeq shqiptar Adem Jashari”, shkruhet në një tjetër media, Republika.

Le visage d’Adem Jashari sur le sweat d’Ylber Ramadani pic.twitter.com/CfYtqDIkG7

— Football Albanais (@FutbolliShqipFR) November 17, 2023