Lufta kundër bandave në El Salvador, një burrë zhduket çdo 24 orë

Në El Salvador, një shtet i vogël i Amerikës Qendrore, ku është zhvilluar një “luftë” kundër krimit të organizuar që nga pranvera e vitit 2022, mesatarisht një person po zhduket çdo ditë, njoftuan organizatat joqeveritare, duke cituar të dhëna nga prokurorët.

Të dhënat për zhdukjet e njerëzve në El Salvador janë tronditëse. Zyra e Prokurorit të Përgjithshëm tha se  366 persona janë zhdukur në 12 muaj deri më 31 maj të këtij viti.

Pas një serie vrasjesh, Presidenti Bukele shpalli gjendjen e jashtëzakonshme, duke vendosur ushtrinë në rrugë dhe duke kufizuar të drejtat kushtetuese. Presidenti Bukele hedh poshtë kritikat dhe mburret se El Salvador është tani “vendi më i sigurt në hemisferën perëndimore”.

Sipas Idalia Cepeda, anëtare e kolektivit, 366 zhdukjet e regjistruara vitin e fundit janë një numër i rritur me gati 10%, nëse marrim parasysh vlerësimet e OKB-së dhe Agjencisë Amerikane për Zhvillim Ndërkombëtar (USAID) për vitin e kaluar.

Task Forca për të Zhdukurit ka krijuar një portal online për të zhdukurit për të bërë një inventar më të plotë dhe për të ofruar mbështetje për familjet e të zhdukurve.