Luka Modric: Spanja është favorite, por ne duam të arrijmë diçka të madhe

Spanja do të përballet me Kroacinë në raundin e parë të fazës së grupeve të Euro 2024. Luka Modric, ikona e përfaqësueses ballkanike, shprehet se “La Roja” mbetet favorite, por pa harruar të kujtojë se ekipi i tij befasoi në dy Botërorët e fundit:

“Ata janë një nga favoritët në këtë kompeticion. Do të jetë një ndeshje shumë e vështirë dhe ne duhet të bëjmë më të mirën. Jemi mësuar të bëjmë surpriza. Ne mund të ndikojmë vetëm në atë që ndodh në fushë. Forca më e madhe e këtij ekipi është uniteti, nuk do të lodhem ta përsëris”, tha 38-vjeçari në konferencë për shtypin.

Krahas skuadrës spanjolle, kroatët përballen edhe me Italinë dhe Shqipërinë:

“Ky brez është shumë i fortë, me plot të talente. Një përzierje e mirë lojtarësh më me përvojë, të mësuar me këto lloj turneu. Ata janë shumë të shpejtë, veçanërisht në krahë. Unë kam një mendim pozitiv. Në të kaluarën, baza ishte Barcelona dhe Reali i Madridit, por tani është ndryshe. Trajneri po u jep më shumë mundësi të tjerëve, që luajtën shumë mirë këtë vit”.

“Kur i dëgjoj këto gjëra më bëjnë të ndihem shumë i vjetër (qesh). Vitet nuk kanë shumë rëndësi, e rëndësishme është ajo që tregohet në fushë. Këtë vit, Lamine ka bërë gjëra të pabesueshme. Të gjithë e shohin atë si një rrezik të madh, ai ka një potencial të madh dhe një karrierë të madhe përpara tij.”