“Më përjashtuan se jam demokrat”/ Sako u përgjigjet akuzave të Berishës: Bujari nuk ka…

Kryebashkiakja e Durrësit, Emiriana Sako, ka reaguar ndaj deklaratave të kreut të PD-së, Sali Berisha, pas vizitës së tij në qytet. Sako e akuzoi Berishën për abuzim politik dhe për indiferencë ndaj qytetarëve të Durrësit gjatë gjithë karrierës së tij.

“Sali, kishe ardhur në Durrës dhe shkoje me vrap te ‘këneta jote’, siç e quan ti Durrësin e ri, për të kapur viktimat e tua. Po sa vite ke pa shkelur aty? Çfarë ke bërë për atë zonë, përveçse e ke quajtur gjithnjë kënetë?” – u shpreh Sako.

Ajo përmendi rastin e një qytetari, Bujar Hoxha, të cilin Berisha sipas saj e përdori, por sipas kryebashkiakes, ai nuk kishte aplikuar kurrë për ndihmë pas tërmetit të 2019-ës. “Tre herë hapëm thirrjet, por ai me siguri dëgjonte ty kur u thoshe ‘mos shkoni, asgjë nuk do bëjnë’,” tha ajo.

Sako theksoi se programi i rindërtimit ka sjellë 1,761 banesa të reja falas për qytetarët e Durrësit, duke shtuar se ky është një projekt që nuk është parë as në Evropë. “Ne nuk i kemi ndarë njerëzit në të majtë apo të djathtë. Kush kishte të drejtë, ka marrë shtëpinë e tij të re,” deklaroi ajo.

Në fund, Sako ironizoi daljet publike të Berishës, duke thënë: “Si të lënë ata të shtëpisë të dalësh në publik e të bëhesh meme përditë? Kjo nuk është puna ime. Puna ime është të bëj Durrësin më të mirë, dhe këtë po bëj.”

Sako: Sali kishe ardhur në Durrës dje dhe kishe shkuar me vrap të këneta jote siç e quan ti Durrësin e ri për të kapur viktimat e tua që abuzove siç di ti. Do të doja të mos harxhoj asnjë minutë me ty, më tepër në këtë fazë ku ke hyrë që të fiket llamba duke folur dhe nuk di çfarë flet. Sa vite ke pa shkelur aty? Çfarë ke bërë ti për atë zonë, përveç se e ke quajtur gjithnjë kënetë? Kur je kujtuar për herë të fundit për atë zonë, apo nuk e mban mend as ti. Meqë u kujtove 40 ditë para zgjedhjeve, për ata që ti i quan demokratë të pambështetur nga shteti, po të them se kush të çoi atje u tall me ty. Bujar Hoxha, qytetari që përdore dje për të bërë sikur si ai që as baxhanakun e vetë nuk njeh kur i vdes, nga verifikimi del se nuk ka aplikuar asnjëherë për dëme nga tërmeti sepse 3 herë që hapëm thirrjet Bujari me siguri të dëgjonte ty kur u thoshe kot ju thërrasin, mos shkoni, asgjë nuk do bëjnë. Pra Bujarit nuk ja ka fajin askush tjetër veç teje. Vizitove edhe shtëpinë e zonjës Fidane Hoxha, e cila për fatin e mirë nuk ka pasur asnjë dëmtim nga tërmeti i 2019-ës. Po ku pyet ti për të vërtetën? Pastaj rruga Azem Hajdari dhe vala e detit. Ajo ka dalë aq mirë sa dhe gjithë demokratët aty do ta tregojnë me votë, ndërsa banorët që u janë prishur objektet e tyre 1-katëshe buzë kanalit të bretkosave i kanë sot në xhep kontratat me bashkinë për të marrë një më një shtëpitë e tyre të reja në lagjen e bukur të rilindjes që u ngrit nga hiçi. Po t’i pyesje Sali ata fanatikët e tu në Manzë e që sot kanë shtëpi të reja, më të forta nga më parë, do të kishin thënë që shtëpitë e reja ku sot jetojnë familjet e tyre i kanë marrë se u takon. Pavarësisht se nuk kanë votuar kurrë për PS-në dhe as për mua. Unë dhe bashkia e Durrësit nuk i kemi ndarë kurrë njerëzit në të majtë apo të djathtë. Por u kemi shërbyer dhe u shërbejmë atyre njësoj, 1761 banesat e reja janë ndërtuar në Durrës të gjitha falas për qytetarët dhe program që nuk është parë kurrë në Evropë meqë ra fjala. Pyetja ime për ty do të ishte, si të lënë ata të shtëpisë të dalësh akoma ata të shtëpisë të dalësh në publik e të bëhesh meme përditë, por kjo nuk është puna ime. Puna ime është të bëj Durrësin më të mirë dhe këtë po bëj, krenare për qytetin tim dhe PS-në që më 11 maj do të marrë fitoren më të madhe ndonjëherë këtu. Ditë të mbarë.