Nga shkarkimi i Veliajt te emërimi i ish-deputetes së LSI zv/ministre të Brendshme, publikohen vendimet e Qeverisë

Në mbledhjen e fundit të Këshillit të Ministrave janë miratuar disa vendime të rëndësishme që sjellin ndryshime në përbërjen e institucioneve qendrore dhe vendore.

Vendimet përfshijnë emërime të reja në postet e zëvendësministrave, lirime nga detyra dhe shkarkimin e Erion Veliajt nga detyra e kryebashkiakut të Tiranës.

Emërime të reja në qeveri:

Edona Bilali është emëruar Zëvendësministre e Infrastrukturës dhe Energjisë.

Silva Caka është emëruar Zëvendësministre e Punëve të Brendshme.

Eugena Tomini ëshë emëruar Zëvendësministre e Shëndetësisë dhe Mirëqenies Sociale.

Lirime nga detyra:

Andi Mahila, Zëvendësministër i Punëve të Brendshme, është liruar nga kjo detyrë.

Mira Kapisyzi, Zëvendësministre e Shëndetësisë dhe Mirëqenies Sociale, është liruar gjithashtu nga detyra.

Një nga vendimet është edhe ai për shkarkimin e Erion Veliajt nga detyra e Kryetarit të Bashkisë Tiranë. Këshilli i Ministrave miratoi propozimin e Këshillit Bashkiak të Tiranës, i formalizuar me vendimin nr. 69, datë 23.9.2025.

Vendimet e Këshillit të Ministrave:

Në këtë mbledhje të Këshillit të Ministrave janë marrë disa vendime që lidhen me ndryshimet në përbërjen e disa institucioneve.

Edona Bilali emërohet zëvendësministër i Infrastrukturës dhe Energjisë

Silva Caka emërohet zëvendësministër i Punëve të Brendshme

Eugena Tomini emërohet zëvendësministër i Shëndetësisë dhe Mirëqenies Sociale

Andi Mahila, zëvendësministër i Brendshëm, lirohet nga kjo detyrë

Mira Kapisyzi, zëvendësministër i Shëndetësisë dhe Mirëqenies Sociale, lirohet nga kjo detyrë.

Erion Veliaj, kryetar i Bashkisë Tiranë, shkarkohet nga kjo detyrë, me propozimin e Këshillit Bashkiak Tiranë, miratuar me vendimin nr.69, datë 23.9.2025