Njëriu i gabuar/ Në Lëvizjen Vetëvendosje dominon kulti i personalitetit, kush del kundër Kurtit merr fund…

Analisti politik Artan Muhaxhiri vlerësoi se është krejtësisht joreale të priten ndryshime në kryesinë e Lëvizjes Vetëvendosje pavarësisht rezultateve të dobëta në zgjedhje, sepse kjo parti është e dominuar nga “kulti i personalitetit”, dhe çdo kundërshtim ndaj Albin Kurtit nënkupton fundin e karrierës politike.

“Albin Kurti është politikani më i fuqishëm në Kosovë. Ai dominon skenën politike të Kosovës dhe ka pushtet absolut. Në Vetëvendosje ka një ‘kult të personalitetit’ të udhëhequr nga kryeministri Kurti dhe nuk ka mundësi që dikush ta kundërshtojë apo të konkurrojë me të sepse kjo do të nënkuptonte fundin e karrierës së tij politike brenda Vetëvendosjes” – theksoi Muhaxhiri.

Ai tha se ky lloj autokracie shkon aq larg sa deputetët ndonjëherë citojnë qëllimisht fjalitë e Kurtit për të treguar besnikërinë dhe dashurinë e tyre ndaj kryetarit të Vetëvendosjes.

“Kur fillon të kritikosh kryeministrin Kurti, opsioni i vetëm është të largohesh nga Vetëvendosje dhe kështu ka ndodhur me disa deputetë. Haki Abazi është i fundit, por ka dhe të tjerët. Në momentin që nuk je plotësisht dakord me Kurtin, është shumë e vështirë të qëndrosh në parti sepse kjo është atmosfera Brenda LVV-së” – deklaroi analisti Muhaxhiri