Nxorrën emrat e vrasësve/ Lihen në burg vëllezërit Beqiraj

Ka nisur në orën 13:30 masa e sigurisë për 14 personat e arrestuar gjatë operacionit “Porositësi”. Gjyqtar është Petraq Çuri dhe Prokuror Bledar Bejko. Grupi u godit pas marrjes peng të dy vëllezërve Beqiraj në autostradën Durrës-Tiranë. Vëllezërit, Gentjan dhe Indrit Beqiraj janë zbërthyer duke treguar emrat e personave që kanë paguar për krime.

Dy vëllezërit, Indrit dhe Gentain Beqiraj, dëshmia e të cilëve hodhi dritë mbi disa ngjarje kriminale në Durrës, duke çuar në pranga 15 persona, disa prej tyre të dyshuar si vrasës me pagesë, janë paraqitur me vonëse në sallën e gjyqit. Paraqitja e tyre ka shkaktuar tension në sallën e gjyqit.

Kjo çoi në arrestimin e 12 personave, ndërsa 5 të tjerë janë në kërkim. Vëllezërit Beqiraj dyshohet se merrnin nga 50 mijë deri në 150 mijë euro për vrasje.

Zbërthimi i dy vëllezërve, Indrit dhe Gentian Beqiraj ka zbardhur disa ngjarje të rënda kriminale, 2 prej të cilave kanë nisur nga një porositës, Kasandër Noga, vrasje me pagesë për kundërshtarët e tij. Ndërsa një ngjarje e tretë është porositur nga punonjësi i policisë së burgjeve, Flamur Bejko, edhe ky i arrestuar tashmë.

Kujtojmë se, 15 persona ranë në prangat e policisë së Durrësit që shkatërroi një grup kriminal që merrej me vrasje me pagesë.

Të arrestuarit:  
Gentian Beqiraj, 39 vjeç banues në Durrës; Indrit Beqiraj, 32 vjeç banues në Durrës, Flamur Bejko, 52 vjeç, banues në Durrës (punonjës i Policisë së Burgjeve, Durrës); Pëllumb Hoxha, 52 vjeç, banues në Fushë Krujë; Idajet Hoxha, 42 vjeç, banues në Bulqizë;  Armand Dalipi (Daka), 43 vjeç, banues në Durrës; Fatjon Myrta, 52 vjeç, banues në Sukth; Blerim Elezi, 51 vjeç, banues në Tiranë; Gentian Sheshi, 50 vjeç, banues në Durrës; Kujtim Daliallisi, 64 vjeç, banues në Shijak; Alban Hajdari, 38 vjeç, banues në Durrës; Fatjon Hajdari 39 vjeç, banues në Durrës; Armando Lama, 32 vjeç, banues në Durrës; A;tin Celmani, 43 vjeç, banues në Tiranë (ushtarak në repartin e Pezë Helmës, Tiranë). Gjithashtu u referuan materialet shtesë në Prokurori, për Ilirjan Feçin, i arrestuar më parë në kuadër të operacionit “Golden Bullet”.

Të shpallur në kërkim:
Agron Bejdolli, 51 vjeç, banues në Durrës, për veprën penale “Heqja e paligjshme e lirisë”; Aleksander Laho alias Pellumb Muharremi, 49 vjeç, banues në Sukth, për veprën penale “Heqja e paligjshme e lirisë”; Dritan Ferra alias Dritan Muça alias Dritan Prifti, 42 vjeç, banues në Shijak, për veprën penale “Heqja e paligjshme e lirisë”; (Të akuzuar për pengmarrjen e një prej vëllezërve, Indrit Beqiraj)

Alban Skonja, 39 vjeç, banues në Durrës, për veprat penale “Mbajtja pa leje dhe prodhimi i armëve, armëve shpërthyese dhe i municioneve” dhe “Sigurimi i kushteve dhe mjeteve materiale për kryerjen e vrasjes” e kryer në formën e grupit të strukturuar kriminal;

Kevin Zeneli alias Kevin Suçi, 23 vjeç, banues në Durrës, për veprat penale ‘’Vrasja’’, “Mbajtja pa leje dhe prodhimi i armëve, armëve shpërthyese dhe i municioneve” dhe “Sigurimi i kushteve dhe mjeteve materiale për kryerjen e vrasjes”, kryer në formën e grupit të strukturuar kriminal. Aktualisht është në kërkim ndërkombëtar, për një tentativë vrasjeje në Belgjikë. Gjithashtu, u referuan materialet në Prokurori, për shtetasin Kasander Noga aktualisht i arrestuar në Belgjikë.