Ushtria e Iranit tha të hënën se kishte kryer një sulm raketor “shkatërrues dhe të fuqishëm” në bazën ajrore amerikane Al Udeid në Katar, pasi shpërthime u dëgjuan në të gjithë kryeqytetin e Katarit pas kërcënimit të Teheranit për t’u hakmarrë për sulmet ajrore të SHBA-së.
Irani ka konfirmuar se ka shënjestruar bazën ajrore al Udeid në Katar, pas “agresionit të hapur ushtarak” të “regjimit kriminal të Shteteve të Bashkuara të Amerikës”.
Në një deklaratë të ndarë nga Garda Revolucionare Iraniane, Teherani tha se “nuk do të lërë pa përgjigje asnjë sulm ndaj integritetit territorial, sovranitetit dhe sigurisë kombëtare në asnjë rrethanë”.
Irani kishte lëshuar kërcënime për hakmarrje ndaj Shteteve të Bashkuara pasi bombarduesit amerikanë hodhën raketa bunkerësh prej 30,000 paundësh mbi bazat bërthamore nëntokësore iraniane gjatë fundjavës, duke iu bashkuar luftës ajrore të Izraelit kundër Teheranit, dhe Presidenti Donald Trump hodhi poshtë mundësinë e rrëzimit të qeverisë iraniane.
Agjencia e lajmeve Tasnim e Iranit ka thënë se sulmi me raketa që sapo raportuam është një operacion i quajtur “shpallja e fitores”
Raketat kanë synuar bazat amerikane në Katar dhe Irak, shtoi raporti.
Burime ushtarake i kanë thënë agjencisë së lajmeve Reuters se sistemi i mbrojtjes ajrore është aktivizuar në bazën ajrore Ain al Asad në Irak.
Objektivi tjetër iranian besohet të jetë baza ajrore al Udeid në Katar.
Irani kishte kërcënuar më parë se do të hakmerrej kundër SHBA-së pas sulmeve në centralet e saj bërthamore gjatë fundjavës.
Zyrtarët amerikanë janë përgatitur për mundësinë që Irani të synojë objektet amerikane pas sulmeve të kësaj fundjave.
Një zyrtar i lartë amerikan i tha BBC-së se Shtëpia e Bardhë dhe Departamenti i Mbrojtjes janë në dijeni dhe po i monitorojnë nga afër kërcënimet e mundshme ndaj Bazës Ajrore Al Udeid në Katar.
Konfirmimi i tyre vjen ndërsa raportojmë se ka “kërcënime të besueshme” ndaj Qendrës së Operacioneve Ajrore të Koalicionit të drejtuar nga SHBA-të në atë bazë ajrore, e cila ndodhet pak jashtë Dohas.
“SHBA-të po gjurmojnë raketa të shumta të lëshuara nga Irani drejt bazave ushtarake amerikane në Katar dhe Irak”, thanë dy zyrtarë të njohur me çështjen.
Sekretari i Mbrojtjes Pete Hegseth dhe Kryetari i Shefave të Përbashkët të Shtabit të Ushtrisë, Dan Caine, janë në Dhomën e Situatave, sipas një zyrtari të Shtëpisë së Bardhë.
Një zyrtar i lartë tha më parë se zyrtarët e Shtëpisë së Bardhë dhe të Departamentit të Mbrojtjes po monitoronin kërcënimet e mundshme të sulmeve ndaj Bazës Ajrore Al Udeid në Katar.
Presidenti Donald Trump vizitoi bazën muajin e kaluar, komandanti i parë suprem që e viziton që nga viti 2003. Është instalimi më i madh ushtarak amerikan në Lindjen e Mesme.
“Asnjë vizitë në Gjirin Persik nuk do të ishte e plotë pa u ndalur për të përshëndetur njerëzit që e mbajnë Amerikën të sigurt, të fortë dhe të lirë”, u tha Trump trupave në bazë më 17 maj.
