Bota
Pas bisedimeve me SHBA-në, Lavrov i prerë: Rusia nuk do të pranojë trupa të NATO-s në Ukrainë
Ministri i Jashtëm rus Sergei Lavrov deklaroi se vendi i tij nuk do të pranojë forca paqeruajtëse nga vendet e NATO-s në Ukrainë në bazë të ndonjë marrëveshjeje paqeje, pas bisedimeve të nivelit të lartë me SHBA-në në Arabinë Saudite.
“Çdo paraqitje e forcave të armatosura nën ndonjë flamur tjetër nuk ndryshon asgjë. Sigurisht që është krejtësisht e papranueshme”, tha ai sipas BBC.
Rusia dhe SHBA deklaruan se kishin rënë dakord të caktojnë ekipe për të filluar negociatat për përfundimin e luftës.
“Sot është hapi i parë i një rrugëtimi të gjatë dhe të vështirë, por i rëndësishëm”, tha pas takimit Sekretari Amerikan i Shtetit Marco Rubio.
Ukraina nuk ishte e ftuar në bisedime, gjë që presidenti i saj Volodymyr Zelensky tha se ishte një “surprizë”.
Takimi në Riad ishte hera e parë që nga pushtimi i plotë i Ukrainës nga Rusia që dihet se delegacionet ruse dhe amerikane janë takuar ballë për ballë.
Gjithashtu në takimin në Arabinë Saudite ishin i dërguari i SHBA-së për Lindjen e Mesme, Steve Witkoff dhe këshilltari i sigurimit kombëtar të SHBA, Mike Waltz, si dhe ndihmësi i presidentit rus Juri Ushakov dhe kreu i fondit sovran të pasurisë së Rusisë, Kirill Dmitriev.
Fuoristrada përplaset me kamionçinën, plagosen drejtuesit e mjeteve dhe një udhëtar
“Duhet të mbajmë…”/ Rutte: Stabiliteti në Kosovë, në interes të të gjithëve në aleancë
Përkujtohet rrëzimi i shtatores së diktatorit Hoxha/ Berisha: Demokratët shmangën konfliktin civil
Banori i Big Brother bën rrëfimin prekës: Kam gruan me kancer
Pas takimit me punonjësit e Bashkisë, Rama takim dhe me këshilltarët socialistë
Mbi librin Neoshqiptarizmi të Arian Galdinit!
Rama e quajti ‘lajthitje’/ SPAK: Hetojmë shpenzimet e partive
