PAS RUSISE, EDHE IRANI

Parlamenti Evropian dënoi vdekjen e Mahsa Amini në Iran, duke i kërkuar Brukselit të vendosë sanksione kundër zyrtarëve iranianë të përfshirë në shtypjen e protestave.

Eurodeputetët në mbledhjen e Strasburgut kërkuan që në listën e zezë të Unionit të futeshin edhe ata persona të konsideruar bashkëpunëtorë apo përgjegjës për ngjarjet.

Parlamenti gjithashtu shprehu mbështetje të fortë për lëvizjen e protestës paqësore në Iran, veçanërisht për të rejat që udhëheqin demostrimet dhe  dënoi ashpër përdorimin e qëllimshëm dhe joproporcional të forcës nga forcat iraniane të sigurisë.

Parlamenti gjithashtu i ka kërkuar Kombeve të Bashkuara, dhe në veçanti Këshillit të të Drejtave të Njeriut, të nisë një hetim për ngjarjet që kanë ndodhur javët e fundit në Iran.

Ndërsa diplomacia po i bën presion qeverisë së Teheranit, protestat studentore në të gjithë vendin nuk po pushojnë së sfiduari policinë. Sipas Amnesty International, të paktën 82 persona janë vrarë që nga fillimi i trazirave, ndërsa mbi 1500 persona janë arrestuar.

https://www.youtube.com/watch?v=0wOibPVmlG4