Planifikohet ATENTAT ndaj kryetarit dhe 3 deputetëve të LDK-së

KOSOVË– Një atentat është planifikuar ndaj kryetarit të Lidhjes Demokratike të Kosovës, Lumir Abdixhiku dhe disa deputetëve të kësaj force politike. Lajmin e bëri të ditur fillimisht ‘Express’, e cila informoi se në adresë të partisë kanë shkuar këto informacione.

Nënkryetari i LDK-së, Kujtim Shala ka konfirmuar lajmin e planifikimit të një atentati ndaj kryetarit të partisë Lumir Abdixhiku dhe tre deputetëve të tjerë të partisë. Shala nuk ka dhënë emrat e deputetëve që ishin pjesë e kësaj liste për atentat, që sipas tij, po përgatitej nga dy organizata

“Nuk dimë shumë sepse është vetëm fillimi. Informacionet I kemi marrë sot. S’ka të bëj me një aktivitet konkret, por ka të bëj të bëj me një lloj ataku kundër kundërshtarëve politik dhe më saktësisht kundër kundërshtarit politik kryesor sot që është LDK. Mos më kërkoni më shumë”, ka thënë Shala për RTV Dukagjinin.

Ai ka thënë se bëhet fjalë për një rrjet njerëzish qe veprojnë në Kosovë dhe disa vende të BE-së.

“Mund të konfirmoj që është një rrjet njerëzisht në Kosovë dhe disa vende të BE-së dhe pretendohet për dy organizata, njëra nga të cilat pretendohet që vepron në Kosovë tjetra jashtë Kosovës dhe ajo jashtë Kosovës ka marrë përsipër që të financojë ekzekutimin e këtij plani”, ka deklaruar tutje ai.

Shala ka konfirmuar se emri i tij nuk gjendet në këtë listë.

“Jo emri im nuk ka qenë. Nga ajo që e di unë, jo. Ka qenë emri i Abdixhikut dhe tre deputetëve të tjerë të LDK-së”, ka thënë ai.

Policia e Kosovës ka konfirmuar se është duke u marrë me rastin në fjalë. Zyra për Informim e Policisë së Kosovës ka njoftuar se drejtoria kompetente ka ndërmarrë të gjitha veprimet e nevojshme.

“Policia e Kosovës, në këtë rast drejtoria kompetente e PK-së, ka ndërmarr të gjitha veprimet e nevojshme policore lidhur me rastin/kanosjen në fjalë. Të gjitha veprimet e mëtejme policore do të ndërmerren në bashkëpunim dhe koordinim me organet e drejtësisë”, thuhet më tej në njoftim.

…

Nënkryetari i LDK-së, Kujtim Shala është shprehur se atentati  ndaj kreut të kësaj partie dhe disa deputetëve të tjerë ka prapavijë politike. Në një prononcim për mediat pas publikimit të këtij lajmi, Shala tha se kjo gjë shkon përtej LDK-së, por shtoi se nuk kanë kundërshtarë politikë jashtë Koosvës. Ai u shpreh se mendon se bëhet fjalë për një rrjet njerëzisht në Kosovë dhe disa vende të BE-së që kanë formuar dy organizata, njëra vepron në Kosovë dhe tjetra jashtë Kosovës. Ajo jashtë Kosovës, sipas Shalës, ka marrë përsipër që të financojë ekzekutimin e këtij plani.

“Nuk dimë shumë sepse është vetëm fillimi. Informacionet i kemi marrë sot. S’ka të bëjë me një aktivitet konkret, por ka të bëjë me një lloj ataku kundër kundërshtarëve politikë dhe më saktësisht kundër kundërshtarit politik kryesor sot që është LDK. Mos më kërkoni më shumë. Po natyrisht, sepse kundërshtar politikë jashtë Kosovës nuk kemi. Dhe kjo shkon përtej LDK-së. Mund të konfirmoj që është një rrjet njerëzisht në Kosovë dhe disa vende të BE-së dhe pretendohet për dy organizata. Njëra nga të cilat pretendohet që vepron në Kosovë tjetra jashtë Kosovës. Ajo jashtë Kosovës ka marrë përsipër që të financojë ekzekutimin e këtij plani. Për një lloj planifikimi, për një rrjet njerëzish të lidhur me organizata në Kosovë dhe shtete të tjera të BE-së dhe jashtë territorit të Evropës. Individë të cilët, kanë rënë në përgjime të një prej agjencive inteligjente kryesore të Bashkimit Evropian. Dhe nga ajo që na është thënë ne, del që ka pasur një plan të strukturuar për këtë gjë. Nuk mund të jap shumë informacione, natyrisht,”- ka thënë Shala.

Një atentat është planifikuar ndaj kryetarit të Lidhjes Demokratike të Kosovës, Lumir Abdixhiku dhe disa deputetëve të kësaj force politike. Lajmin e bëri të ditur fillimisht ‘Express’, e cila informoi se në adresë të partisë kanë shkuar këto informacione.